اجمل اشعار نائل مظفر(المعجزة البيضاء)

المعجزة البيضاء
نائل المظفر

الواحـــد فرد مــــا يقبل التقسيـــــم
بس انه انقسم وبدونك اتعدد
اتقسم بــــــدونك وانجمع ويــــــاك
لان كلي ويه كلك بيك يتوحد
ﭼنت جاهل واجيك اتشرد من الناس
هسه اتعلمت من نفسي اتشرد
عشكتك ذرة ذرة وصرت اغار اعليك
اذا محـــد يبوسك اذبح المحد ولك لا تنطرح يم ناس تعبانيـــــين
مو طولك حصار شلون تتمـدد وشعرك ليله ظلمه اتوحشت عالريح
كل ما هب عليها اتلفلفه ابأسود وجبينك ايد موسى المعجزة البيضاء
مو حقه الكفر والشافك اتعبد وفراشة نور اذنك والزلف خطــــار
مـرة يحط عليها ومرة يتبعـد
وﭼفنينك سما ومـﭼفي اعله رمشك ليل
اذا ترمش يظل فرقد يطك فرقد يــــــــل عينك بحيرة كل هدوء الليل
ودموعك نوارس لو مشت عالخد
وعله اخدودك صور منقوشه من بوسات
اباوع عالصور ما بايسك احــد
وشفتينك شمس من تبتسم نصيـــن
يقطعها البرق وبنصها يتجمـــــــــد وحنـﭼك صدر بجعه انصاغت من النور
اذا ماتت شمس مـــــن نــورك اتولد
ومثل زمزم ركبتك نص ذهب نص جام
وعين الماي هاي ال عالصدر تركد وأنام اباب صدرك واذنب وانخاك
كبتيـــــن الذهب ما تشفع لاحــــــد
يبو ايد الثلج لا تطلــــــــــع بتموز
مــــــو خاف الثلج خاف الخلك تبرد
واذا لا مو ثلج كل هالبياض منين
معقول العظم فـــــــــوك الجلد يصعــــد
يل ﭼتفك منارة بيا شرع يا ديـــن
اموت من العطش وكبالــــــــــــك اتشهد
وحدر ﭼتفك فرات ودجله ملتقيات
وشفت شط العرب جوة الـﭽتف ممتد
واباوع عالبطن مو ركبة الدلفــين
لان عين الحياة بصرتــــــك تركد يبو تاج الكطن ليش افتحتلك باب
مــــو خاف الكطن بالعيــــن يتفرهد
خطواتك حضارة وخصرك التاريخ
اذا تمشي العرب فوك الفرس تصعـــــد وعلي كل ما تمر يجبرني حسن البيك
اوصفنك لـﭼــــن من وصفك اتردد لذلك ما وصفتك واعتذر يهـــــــواي
وصفت الخيال المنــــــــــــك اتولد.