اجمل اشعار (احبك جذب)

أحبكـ جذب لا ماحبك آني لأن ماتكفي ان كلتلك بس أحبكـ الك وسط الكلب شريان ينبض بيك ولك مو شريان يمكن هالكلب كلبك ـالناس تحلم بالملك والمـال وآنه أسعد أحلامي بحلم لو شفتك ـروحي شما غبت عنهه تسولف بيك وآنه شما تسولف بيك ماملّك ـتعودت اعله شوفك صرت مجنون لا تبعد حبيبي أحتار في بعدكـ صرت لو ما أسمعك أمرض بساع ارحـم حـال مجنـون ويحبك ـأقسم مايحبك مثلي بالكون وان تلكى اليحبك بعد ماحبكـ!اموت ومن غرامك اصحى بعد الموت وترد الروح لو بس صاحت بأسمكـ ولو مرة تضيك الدنيه وياي تعرفني وتحس بيه من اصدّكـ لان اني وياك مثل الرمش والعين والهم اليصيبك صابنّي كبلكـ احنه بكولشي واحد حتى بالافكار لذلك ما أسامح نفسي لو ازعلكـ

أدور بالوجوه من اطلع من البيت وأكولن بلكي من اطلع أشوفــــــه أمشي بكل طريق لساني يلهج بيه وكلبي من غــرامه مدكدك حروفــــه هذا أول عشكَ خلاني مجنون ودخل كلبي وأبد ما أنسه معروفـــــه غيرلي حياتي وصرت مدري شلون مخربط والوجه الوانه مخطـــوفـــــــه مدري شلون أوصفه محيّر الأوصاف وماضن ع البشر أوصافه مألوفـــــه لأن حاير بوصفه متيه الراي كلت عنه كمــر ما هزتــه خسوفـــــه جابولي كلام استهزأت بيه كالولي اليحبه يولعه ويعوفـــــــــه رديت بمكانه وكلبي يلهب نار كلتلهم أعرفه وعاذر ضروفـــــــــــه كالولي يغشّك هذا ينكت بيك كلتلهم أحبه واعشكَ حروفـــــــــه هذا آنه المولع بيك للدوم وتضل للدوم عيني عليك ملهوفــــــه