اجمل اشعار (لا تسال المشتاك)

عشرة ايام مرت وانته ما جيت تعال الحلكلي كلبي من الهجر طاك
تره الفركه حبيبي تصير من يوم ويوم يجر يوم يصير الفراك
اكول اليوم باجر بلكت تعود عفيه شخلك عندك لسه ما ضاك
جبتها وياك سجه وريل تعبان خلص عمري عله مودك امشي عالراك

انه بنار احترك وشيحمل النار ما تطفه وحياتج نار الاشواك
وانه بعيني مطر ما شالته غيوم وبكلبي حمامه مشبكه شباك

تعال الصبر خلص والحجي هواي اخاف احجي ويروحي وحجي يمباك
جنت تشتاكلي بكل لحظه يهواي اشو مرت ايام شوكت تشتاك


واضح من كلامج انه ما مشتاك هاي ظنون كلها ومو صحيح الظن
باقي وياي رسمج بالعيون يبات وسوالف محبتج مني ما يرحن
انتي اول حبيبه العلمتني الشوك وعله طرواج هاي عيوني من يغفن
مو قصدي الفراك من ابتعد والله بس هيه الظروف وياي ما يصفن

ظروفك تعتذرني وانه بيه النار صرت ويه الليالي البيه ما يرحمن
تدري بشوفتك ما يبقى هم بالروح وذكال الهموم بجيتك يسهلن
عطشان الصبر شيسوي للعطشان سواجي الصبر بيه كلهن ما يرون

زين شلون لو ابعد عليج شهور ذني ايام عشرة وصبرج تفرهد
صحيح انه احبج بس ظروفي تريد وصدكيني الظروف وياي تتعمد


بس انه بشر والكلب حفنه هموم ونار البيه كبرى وما اظن تبرد
احجيها بصراحه وانه ما اشك بيك مرات الظنون تهزني يا ...؟