اشعار مشكل(لعيونكم)

لعيونكم .. اشتاگ واسأل دوم .. انتوا شلونكم ..؟؟ ولعيونكم .. ذوبت عمري .. الما يعيش بدونكم :: محمد رحيمة الطائي

ما حسبتك لان طشرتك من سنين ضل اسهر علي ليلية واحسبني
وضل سبني على كيفك ما اكلك ليش انه ارتاااح من تنفعل وتسبني
ماتعجبني كلك من جنت وياي من تبعدت شو كمت تعجبني؟؟
ألمن ما سئلتك من حفرت البير .!لأن تكذب علي كل ما تجاوبني
من شفته على كدي تكترت ليغاد خو مو زوج اضلن يمه وتذبني؟؟
صحيح اعترف بيك لعبت ناس هواي وهسه انه افتخر مكدرت تلعبني
غلبتك رغم مكرك والهدوء البيك واتحداك اذا فد يوم تغلبني
اذا انته سبع واجهني عين بعين عار اعليك اذا نايم وتضربني
واذا تعلن حرب اعلن حرب فد نوب مو من نتلاكه امباوس وتشبكني
ما جان القصد اتملطخ بطرواك ولا قصدي اسبك مثل متسبني
وحدها القصيده اجتي نص الليل رفست باب كلبي وكالت اكتبني


عاتبني ابعتابك خل ترد روحي
اوهسني . . ابدلالك . . ياشتل شمام
حتى ازهك . . وشوفك وينها اجروحي
بيه اشبع غرورك . .
يا أعز جتال
يتمايل غنج لو بيه . . ثكل نوحي
تعاتبني اعله حالك . .
صار بيك الصار
جاشدل اجروحك هاي وشتوحي
كبل حبك . . جبل مالاح طرفي السيل
هسه اول زخاخ
ايغطن سفوحي !
ومنك ماروت يدعج بعد روحي
ولا رادت . . ولاسمعت . . ولاحبت
لاتحمل ((نجاة)) ابليل لوغنت
اعلمها الورع . . واطبك عليها الباب
تذكر ضحكتك . . واجهرت ماعنت
لا لامتك ليش . . وشوفك اصبح طيف
اشلون ابعدت عنها . .
اشلون ماجنت !
وعيونك ابغير عيونها اتهنت
وجفوفك ابغير اجروحها اتحنت
يا تل الورد . . تل آخر السباح
حته اطفه . . من اشوف ارويحتي انتلت
كلت انجفه الماي . .
وذبل عود الياس
والوادم نست
وبغيرنه اتسلت
وأول ما شفت طولك نسيت الصوت
وروحي بلاسبب بجفوفك افتلت
ياكمرة حياتي البعد ما هلت . .
يا انت . . وكفاني اتوهدنت وياك
تحسبني . . وحسبتي وياك ما فلت
كلمن عرف وشره . . وشال منها الشال
وتعده العمر والوادم اندلت
هسه الراح راح . . وبين ايديك الروح
بس ذمه ابركبتك يوم لو سلت
قصيده للشاعر .. الشاعر المبدع الرائع(((عريان السيد خلف)))


ودك تروح وكل شي لـه اسبـاب ... اخـر وداع وشوفتـك مستحيلـه مهي سنه وترد يا سيـد الحبـاب ... فرقاي انـا ويـاك فرقـا طويلـه يا اجمل غرام ضمته صفحة كتاب ... مهما الزمن يمحي السطور الجميله هذي جروحي لافيه تطرق البـاب ... تفتحلهـا مـا باقـي لهـا وسيلـه خفف دموعا عذبت سود الاهـداب ... هذي رقـاد الايـام دايـم دخيلـه هذا الفراق ومالنا عنـه مجنـاب ... هدم الزمـان ومالنـا فيـه حيلـه

ليش تروح ليش تروح يا عمر الفرح بدروب حزني يا ماي عيون سهرانه تعذبني يا حلم تكحلت بيه وعليه غمضت جفني انا بلياك صار الهم ياخذني ويرجعني كلشي البيه يحن ليك ويلوعني غريبة الروح تكلي اريد احباب الروح شلون تروح***بليلة حزن بنص الغربة فاركني لا كال يحبيبة رايح ولا ودعني ما اريد الصبر ولا اريد اليصبرني اريد احترك بفراكه خلي الشوق يذبحني شبقى مني بعد حبه شبقى مني غرب شراعي والقلب مجروح كلي بيا قلب كدرت تروح وليش تروح

أنتهينا مابقى شيٍ نقوله لايضيع الوقت في كثر الكلام كل منّا بان للثاني ميوله الصراحه ما اعتقد فيها ملام ساعة الفرقى على اللقيا عجوله أنتهينا وانتهى ذاك الغرام فرحتي من خلقت الدنيا خجوله الامل فيها تلاشى في السلام خلّ يبقى حبنا باجمل فصوله الفراق المنتظر مسك الختام

مر ولو مره إعلى گلبي......وإسأل انت شگد تساوي راح تسمع بنبضي اسمك......وبدون إسمك يا حلو نبضي يموت إسأل عيوني بعد ...من تشوفك شكثر جروح تدواي
راح تبچي من الفرح ...لمن تشوفك..... والدمع... تسمعله صوت وإسأل لساني وشوفه شلون يحچي ....وشلون يشعر بأجمل وأحلى غنواي وشلون من تبعد تروح ....يصوم ويحب السكوت الي الله ولغيره المن....... آني أشكي هالشكاوي شلون تگدر يا حلو........ ما تسلم من تفوت