مشكل ابوذيات

عليك الروح نص الليل ونـت
لان برغي القلب مفتوح والنت
ادور عليك بالجــــــــات والنت
وينك ياحلو بس مر عليه

سفن حبك بشؤاطي القلب شرعن
وسهم حبك نب،ت بحشاي شرعن
اريدن مذهب يحلل البوس شرعن
واذا ماكو راح ارد للجاهلية

شكثر بجفاك ون قلبي وهم لك
وعقلي غفــــل فاركني وهم لك
شتظن انساك ياغالـــي واهملك
وانت بدمي دم يدور بيه

عمــــي ذبت بغرامك مايع اني
ومنو بهجر الغوالي ما يعانـــي
نشف من اثر هجرك ماي عيني
وبقى بس القهر والضيم بيه

ليريد الحلو لابد ويامر
وحبيب الروح يدلل ويأمر
اصيرن نار من يبعد ويامر
وارد قالب ثلج لو رد عليه

قلم كلبي تداين ورقة منك
وابد ماكو بجمالك وارقى منك
اسجلك راح الاول ورقمنك
واكتب لالفته محجوز اليه

الشوك وياك صدفة قابلاني
شيجي منك عليه قابل اني
تقشمرني بضحكتك قابل اني
غشيم وتعبر الضحكة عليه

تروح الروح بغيابك واردهه
وكتاب اجفاك يامدلل وردهه
روحي بغيابك ترى يذبل وردهه
ماي انته وترد الروح بيه

صرت مرهون حبك وانت راهن
وعليه ايام هجرك ون تراهن
تجي مرة نتواجه ونتراهن
من الاكثر يحب ويود أخيه

صديقي اشكد وفي بطبعك وصادق
واحبك مااحب غيرك وأصادق
نخيت المهدي والباقر والصادق
تظل انت اعز محبوب اليه

قهر حبك حبيبي عسل ويجوز
بحبك ما يتوب القلب ويجوز
تريد انساك بس بالموت ويجوز
تلمنه الجنه ونعاود سويه

القمر دنك يبوس ايدك والك مال
ودليلي زاعل الدنيه والك مال
امتحنته لاطلع راسب ولاكمال
طلع شاطر واخذ بلوفه ميه

افكر فيك ياصاحبي ولا نام
ولا غمض جفن عيني ولا نام
احب اكـــعد كبـــالك ولا نام
بعيد وشوفتك حسره عليه

نحيل الجسم من بعدك تراني
اريدك دوم بعيونك تراني
افكر فيك كل ساعه تراني
احبك حيل يل ماوفيت اليه

وحق الي تعبده الناس وحده
حبك سلب مني الروح وحده
هذني اثنين ونته اختار وحده
ترحل لو تضل محبوب اليه

صحيح بعيد بس قلبي شعر بيك
حزين وباقي بس يكتب شعر بيك
عجيبه اشلون ضل اسود شعر بيك
وانه بفراكك ما ضل شعر بيه

احبك حب ماينكتب وصفه
عليك القلب مثل الذهب واصفه
عليمن يكتب الدكتور وصفه
اذا عيونك والشفايف صيدليه

يهل تنشد لحالي حالـــف اني
وبس الحزن بعدك حالف اني
ابد ما احب غيرك حالف اني
واجتف روحي الك بثنين اديه

واذا اجتفه بايدك انته حلهـــــــــا
وروحي تحب عشرتك وانته حلها
لغز صارت محبتك وانته حلها
دحلها بساع حتى تصير اليه

ونصير احباب منك وانته منه
وامل ما عدنه صدك وانته منه
شكد نحلم بشوكك وانته منه
شجاك وبالوصل تكطع عليه

واحنه الما كطعنه بيوم وصلك
لان شخصك نعرفه منين واصلك
صيامك ما يفيدك بعد وصلاك
لان دم بركبتك ظل اليه

لو الناس الكتلني ودفنـــــــــي
وخذت بالعشك فني ودفنـــــي
لون دتري انه شودي ودفنـــي
ديار اهلك ذيج عله الوطيه

واكلهم حكي اريدنه وثاري
لان يمكم لكوا جثتي وثاري
ابنكم هو كاتلني وثـــــــاري
دفني وما يريد يدلي بيه

لان جفوفه بس الهم ودلي
ومليته بحزن فنجاني ودلي
بعد ما اعلم بجرحي ودلي
لان ياهو الاعلمه يلجمه ليه

واكل للجرح يمعود وك شفه
وصديكك روزه بالمحنه وك شفه
حبيبي الجرح ما شوفك وك شفه
لان يحسبها نقطة ضعف بيه

وانه الما بينت نقطة ضعف له
وحبي بكلبي لو يدري ضعف له
الجسم بجفاه يمدلل ضعف له
وصفيت بمجهر يدور عليه

ترف تدري أبحر شوكك وحنه
نحل جسمي بكثر هجرك وحنه
الشامت عيد الليله وحنه
جفوفه من سمع فركاك اليه

مشكووور