مشكل اشعار123

مااجيك لا وحق كل دمعة نزلت ما اجيك ...
يل بعتني والزمن غشني بيك
,ما ابيعك مو لانك غالي الثمن
بس اخاف من ابيعك اغش اللي يشتريك


حزني شلون حزني اشكالوالوان
شنولون الفرح؟تعذرني من هاي
انة بدرس الفرح ماخذ صفر دوم
ومية بالحزن حطتلي دنياي


ســرقت قــلبي وعــقلي ولم ابالــي
&&فانــتي تــعــيشــين فــي روحــي وخــيالي
&& ســهرت وتــعــذبت لاجلكــي ليالــي
&& كـــي تصـــبحيــن لي انشاء الله وتكونين حــلالي

نويت السفر يااغلى احبابي صح هذا حكم القدر لاكن على اعصابي
ادريك مامقتنع وبداخلك ممتنع بس روح خلي الدمع يمطر على اثيابي
تروح بسلامة وتجي تلكاني استناك بس لي عندك طلب هاك اخذ هل روح وياك
ولو يسالوك على الجسد كلهم ذبحتة هناك بلة اريد اسئلك تصبر على اغيابي؟

ابتسم وخلي الحزن مدفون
ابتسم حتى لوكانت الدنيا حزينة
واضحك لو كان الكلب مطعون
واضحك اقوة لو كثرت سجاجينة
ان كان بحر الالم فيك مدفون
خليك فوك البحر مثل السفينة

عندى سؤال ..... اذا اشتاقيتلك وين اروح ؟؟..... واذا تذكرتك وبجيت منو يمسح دموعى ؟ ........ تعلمت الصبر على الهموم وتعلمت اضحك وجسمى مسموم بس مكدرت اتعلم شلون اصبر واني منك ........ مـــحـــروم

حبيــــبـتي
لو كان القلب ينطق .. لنطق بإسمكِ
لو كانت العين تنطق .. لنطقت برسمكِ
لو كانت اليد تنطق .. لنطقت بأمان لمسكِ
ولكن ليس لي إلا .. شفاه .. لا تستطيع سوى أن
تقول
أحبـــــــــــــــــك

بعد مااكدر اتحمل
متت اني من الاشواك
دخيل الله البعد طول
ارجع كافي فراك
اشوفك وين ما اروح
واحسك ساكن الروح
حرام عليك اذا تقبل اموت وآني مشتاك
لا تفكر حبيبي اصبر
عليك وانت ناسيني
اذا عالبال لحظه تمر دمعه تسيل من عيني

بسك يازمن بعد وبسك عاد فركتنه اني والحبيب بسك من كثر شوكي الها حتى اسمي بدلته صرت مشتاق وغيرته وصرت ولهان وغيرته وصرت عاشق وغيرته مابقى يا زمان بس اسم واحد وهوندمان على بعدي عنها وشوكت تجمعنه

صاحبي وسفه الوكت عن صحبتي دارك وخلاك تمشي بوهم وانت القلب دارك وانت الرضعت الفهم والحلم من دارك ...وانت عزيز القلب للروح منساها صحبتك ما تنسي لتصدك انساها وان جان هذا الوكت خلاك تنساها ترى خسران هذا الذي عن صحبتي دارك

امحيك من دفتري ومن كل سطر امحيك.. وارجع وادور القلب اول سطر الكيك.. مشكلتي احبك صدك ولا بيه انا وناسيك.. صرت انته قلبي الوفي وصرت انا عايش بيك.. وصرت انته كلمة شعر وقلبي ايتغزل بيك.. وصرت انته دوله وعلم وانه احرسك واحميك.. خلك حبيب القلب يا وردتي خليك.. ولا تنسه شاعر محب كل همه بس يرضيك
تمنيتك وسط رمشي واشوفك وين ماتمشي
احط روحي وسط روحك واحرسك اني من كلشي


مثل عاشور حزني بيوم الوداع
ومثل خنسه التون عطشان الونين
بجروحي ملح يلجمني حد الموت
وياكثر الدمع ماشالتك عين
جان حساب عمري يطول وياج
نتشارك عمر ونجمل اسنين
اشو عمرج طفه وسنينه تنزف موت
وبشفافي الالم صرخه مجانين

حرامي انته وبكت كلبي عكس كل الحراميه الحرامي ايبوك نص الليل وانته تبوك ظهريه وانه مستانس وراضي ولا اسولف على البيه ولاجن كلبي التفرهد اكول ابسكته شعليه تكلي الناس مو كلبك اكل للناس موليه تكلي الناس مو باكك اكول انطيته بيديه حبيبي وباك دلالي شعليهه الخلك بيه؟

صدك تقبل حبيبي لغيري هسة تصير؟؟ وصدك مليت مني وبعد متحبني؟؟ وصدك هانت عليك اسنينه الحلوات وما هانت عليك شلون تتركني؟؟ من يمته المذاهب نحسبلها حساب؟؟ ومن يمته الطوائف جانت تهمني؟؟ أنه لمن عشكتك ما سألت الناس ولا جنت ادري اصلك شيعي لوسني شجاك تغيرت وبكلبك انته شصار؟؟ جنت تموت بية وجنت تعبدني وجنت اتنفسك وانته الهوه بدنياي وجنت لو تبتعد لحظات .. تخنكني معقولة الورد ينكر جميل الماي؟؟ وانته بهالسهولة تنازلت عني؟؟

سامحنى يامن كنت حبيبى سانتزع قلبى من بين الجمر
لن اتراجع فى اخذ القرار حتى لو اشعلت بلقلب نار
سامنع روحى عنك واقطع من قلبى جميع الاوصال
واحبس نفسى فى جزيرة بعيدة عن كل الانظار
انى عاهدت نفسى والعهد كان كالتار
فما كان بيننا لن يعود ولو كسرالجدار

ياأبن الناس تسويها صدك و بلحظة تنساني وتظيعني مثل ما ضاع عنواني سهل عندك غيابي و ادري بيك اني مثل متبدل هدومك تترك الناس و تخليها بعذاب جروحك تعاني بس الناس يا ابن الناس ماهي هدوم تذب واحد قديم و تلبس الثاني

ميلو بينه وهلعراق احتركت ايامه وسنينه 0ميلو بينه وصرنه شيعه وصرنه سنه وتالي كردي يشيخ بينه 0ميلو بينه وجم قذيفه وجم رصاصه وكعت بنص المدينه 0ميلو بينه وجم طفل قتلو ابوه وباقي يصرخ بويه وينه 0ميلو بينه وجم شريفه رملوه ونزلت الدمعه الحزينه 0ميلو بينه وصرنه قابه والدول تاكل بدينه 0ميلو بينه بحر ميت ماشكه همو لسفينه ميلو بينه الريح هزنه وتالي بيدو ارواحنه صارت رهينه 0ميلو بينه واحنه اهل تاريخ والله وتشهد ايامه وسنينه ســر مـــن رآى

احبك من زمان وخايف احجيهه بصدري كلمة صار سنين خافيهه واذا نزلت دمعتي لاكن من اشتاق لسوي الروح دمعه ويمك ابجيهه روحي رادتك لبست ثياب العيد ورادتني على روحك هسه اوديهه بسمك حيل صاحت لاتروح بعيد لاتستعجل بممشاك تانيهه يل رايد تسافر روحي اخذهه وياك بعدك لورحت عدمن تخليهه

لايا طبيب اتوهمت والجرح ماشخصته .؟
مِن كَال انه بحال الدوا؟؟ ضرني الدوى الوصّفته
مو هاذه جرحي البجلد ، بيّه جرح ما شفتة
رافكَني وربينه سوى، لاعافني ولاعفتة
بيّه حجي الـ ماينحجي.... وبيّه بجي الـ ماينبجي ....هيه سوالف من زغر متعلمه اعله السكتة ..!!!
موهاذه جرحي البجلد ، بيّه جرح ما شفتة !!

لاياطبيبي قصرت وتكَلي كاتبلك عمر ، عمريش هو الّيشفتة ؟!
ضيمِِِ... وخلافات... وقهر...واقرب ضيعّته
مو هاذه جرحي البجلد، بيّه جرح ماشفته....خليهه سكته بسكته

يكولون لليحب انسى مايدرون شكد صعب المحب ينسى شلون ينسى والقلب حبة اكثر من نفسة وميدرون نفسي كامت تصعد وتنزل وية نفسة
قلبي انصاب منك وسامة شلون اليحبك ينسى وسامك وسامك وية اسمك شكل بالقلب احلى ابتسامة

شهل بياض البيك شتسوي تعال
فوك هذا ولازم مراية بديك
عمي لو عدنة مثل وجهك حرام
انذب المرايات ونمشط عليك

شخصيتك من حروف اسمك اذا كان من 3 حروف فانت رومانسي وذكي وغيور لكن اخلاقك عالية وتتمتع بالجاذبيه جميل الطلة واذا كنت من 4 حروف فانت صعب السيطرة عليك ومخلص في الحب واذا كنت من 5 حروف فانت قوي الشخصية وحنون جدا و6 حروف عنيد ولكن محب للاخرين و7 حروف قوي الشخصية وحاد النضر و8 حروف غامض واذا كنت من 15 حرف فانت بيك غلط لازم ترجع للشركة

تجهل محبتي الك وتلف عليَّ واتدور تعاند على غلطتك انت اشكثر مغرور الحگ تريده الك ما اگدر اتحملك جرحي أنا اتحمله وما اطلب اضمادك * * * هم حد تره للصبر وشيحمل الهجران وليمتى اتحملك مو صخرة اني انسان هم عندي عزة نفس تمنعني بالذل احس ما اگدر احمل قهر من اجل اسعادك

ابدي منين اوصفج والوصف محتار
اذا حتى الوصف داخ بخصالج
.ردت اوصف حلاتج تزعل الحلوات
اكو حلوات بس ماكو بجمالج :تحياتي

اريد انساك حتى ارتاح ونسه حبنه وذنوبه كلبي اردقفله وكسر المفتاح وكول من العشك توبه واذا عيني بجت اعميه هاي العين واذا كلبي حزن راح اطعنه بسجين بسجين تحياتي

السرالي بمحبتك من اريد انساك
شما انساك احبك اكثر واكثر
انسه وانشغل وبعزة النسيان
اتذكّر نسيتك وارجع اتذكّـــــر

الجائز والمحال انطبكن بدنياك
وحديت الجمال وصرت انت الحد
يبوس الشفه خدك عكس كل الناس
وبعين اليشوفك حتى رجلك خد

مشكور يا كول