اجمل اشعار الى(مغذبين فقط)

أسكتهن ويبجن والدموع ألوان
عيوني وعالبواجي ما ألهن ثاني
شلت بيهن جمر والحركة احس بالروح
ولا كلت الشماته الجمر جواني
اطحن قهر والهم ياكل وي الروح
من اشوفن ذكرياتك فوك حيطاني
عفتني بليل وحدي والطريق طويل
تيهتــــــك ودمعي عليك دلاني
ما اعوفك جذب والكالك جذاب
ولا تكـــــــدر حبيبي بيـــوم تنساني

من تضحك تردك ضحكتك للشوك
ومن تحزن تشوف بعينك أحزاني
أسرارك بكلبي وما بحت فد يوم
ولا كـــــدروا عليه وبـــــاكو لساني
ضميتك جرح واتجه عالاحاااه
ومكـــــابر ضحكتي كبـــــال عدواني
من تيهت روحي ورادو يدورووون
أجوا يمــــك لأنك انته عنواني
فرغت سلتي وما ضل إلي متاع
ما حنيت وانته بوسط بستاني

حاطتني السيوف ويمي صار الموت
وانته بعيد كاعد كلي شمتاني
ما اضن قصرت والعشره صار سنين
ورهمته على دربك طبع نيراني
مو بعدك بالكلب متربع ومرتاح
وعطرك لسه أشمه بين قمصاني
يالنايم عيونك ما تمل النوم
وانه ويه السهر متعوده أجفاني
وك بعيوني رويتك هم بس تصير
وعفت زرعي وتركته وذبلت أغصاني

سألوني عليك وجاوبت الدموع
أسكتهن لكن غلبن لساني
عرفوا كلشي بيه وكشفوا الأسرار
لان حبك لوحدك هو بجاني
جبتها وياك دنيا ويوم ياكل يوم
سجين بقفص حبك وانته سجاني
ابرد ثلج يمك واستر المضموم
أخاف عليك من نيران بركاني
دليت الفرح منشفته يمك جان
اجت يمي الأحزان وهو ما جاني