كل ماهو جديد من الابوذيات

عراقيين احنه وطر فجرنا
شجم عبوه بهمر احنه فجرنا
لونك رايد اتجرنه فجرنا
ما ننجر ابد للطائفيه



ماردت الحزن بس غصب جالي
ومن فركاك صدك عندي جالي
اضل اسقل بدربك واضل جالي
لجيتك من ترد يسمر عليه



الكلب حبك وغيرك ابد مختار
ولدروبك يغالي صبح مختار
بحبك تاه مخه وصار مختار
يحط عالناس بس ميحط عليه



تعال ودوزن بكيفك وتاري
وصرت لعبة طفل بيدك وتاري
تور البسمه حطت وتاري
خبط ويه الشعل وبعَد عليه



يحلوه حساب احسبيلي وعدي
اذا خالفت يوم وياج وعدي
من حبج عليل اصبحت وعدي
تخاف الناس محد يمر بيه



تره انه المصايب دوخني
ولجروحك يخويه دوخني
احترك كلبي بجفاكم دوخني
ولا يطفه وتضل ناره سريه



جمالك بل كلب والروح طرفاي
شعرك في جبينك نور طرفاي
احذرك لا تجي ودوس طرفاي
اوج كلي وطرف ما يضل بيه



علي دومك يا حلو الطول تبغي,
شنهو الي تريده وياي تبغي,
ماعندي كحول وخلص تبغي,
واسكر لو يمر طيفك عليه



الكلب نصين ليش اتريد شطره
حبيبي عليك شنهو الجرى شطره
واذا ينسد درب بغداد شطره
اجيك على السماوه امشي على اديه



الاول قال
من الباقي قوي بينة ومرك
وانا بعسر جرعت مري ومرك
لون بلنعش اوصلك ومرك
من التابوت واخذ لك تحية


رد عليه الثاني وقال
انا بنار الاشواگ احترگ وصلي
وابد وياك ماينگطع وصلي
اذا انت يجيك الموت وصلي
انتحر گبلك وشيلتنة سوية