اجمل اشعار اشاعر الكبير يهاب المالكى

القاتل الماجور

جنت سامع قبل بالقاتل المأجور
من الشمات ياخذ على الدم اتعاب
وانه ممنون منك جسدت لياه
كله للكلفوك الرايدنه انصاب
كالولك تلوحه وكلت طكت موت
ومن تلوح شاطر بالف طكه حساب
جبت بيدك ورد لمعت الخنجر بيه
وانه مصدك بشوفي وكلت لا جذاب
وكتلك ذاك خنجر .. كلت خنجر وين !
حتى تخلني أمن طلعتلي الكراب
متت ما مشتكي وعرفت أسراري الناس
شامت كايليله كاتلينه احباب
انه عشت بجرح بس من زمان وياي
من ينلجم بيدي يطيح منه تراب
من اقرالك قصيده الندى دموعي يصير
وتون النوارس حدر جدمي أسراب
من دجيتني جنت ارد ابوسك جاي
يعني من التقينا جان عدنا اسباب
اجيتك والقمر مستحي يشوف الشوك
بس لمن صبتني ما تحمل غاب
انه بانيك جن قلعت ملك شبساع
هبت بيك ريح و صرت تل تراب
بست خدي وخفت كلت لا حلمان
اثر بوسة اشفافك جان طبع انياب
لا تحسب أبايتي عتاب عود وياك
بس وي الأعزاز يصير عندي أعتاب
انه بطلت اون بس الجرح بي نار
صح طفيته بس ظال بي عطاب
من ألفه ضماد بس حسبت ثواني يطيح
لأن مجنون جرحي وما تلمه ثياب
وانه ضميتهن دمعه وجرح مجنون
وتوالمن بيه وعايشات احباب
أحلف أعيوني منك كون دمعي يتوب
وانه شكي بمحله وما مصدك تاب
تهجم ذكرياتك وانه ابوابي هواي
اركض باب أسده وغاد يوكع باب
وانع ياب افك حتى من أروح انساك
أهن لو كبر بيهن لو وراه سرداب