اروع و اجمل اشعار الشاعر(خضير هادى)(ال يحبك ما يخسرك)

إل يحبك ما يخسرك
إل يحبك ما يجبرك .. وال يحبك ما ينكرك
وال يحبك ما يخسرك .. وال يحبك ما يغدرك
وال يحبك يرهم أحزام على ظهرك
وال يحبك ما يعبرك .. وال يريدك يبوس أيدك
وال يحبك يبوس ثغرك
وال يحبك ما يكسرك شما نصيت يعلي سعرك
وال يحبك ما يغيبك .. وال يحبك ما يسهرك
وال يحبك يمتثل صدك لأمرك
وال يحبك هو بس هو ليعذرك
وال يحبك مثل عطرك يغفه ويموت على صدرك
ومو خسارة لو ردت تنطيه عمرك
واليريدك يصير دم بنص وريدك
* * * * * *
وال يحبك مثل ضلك ما يعوفك
وال يحبك مثل هذا النفس يصعد وينزل بجوفك
وال يحبك وين ما ترحل يشوفك
وال يحبك وين ما تسكن يشوفك
وال يحبك يربط زلوفه بزلوفك
وال يحبك تغفه يمه وتنتهي ويموت خوفك
وال يحبك لما تعطش يظل يصب دموع تترس جفوفك
وال يحبك يفهمك يفهم ظروفك
وال يحبك ما يشوف الناس بس انته يشوفك
* * * * * *
يعتنيك إل يحبك يعتنيك
وال يحبك شما عبرت بحور يعبرها ويجيك
لا لا يكلبي شصار بيك ليش تسأل ع لي ما يسأل عليك
لا يكلبي لا تصدك بكلمن يكلك ابيك
أبقه مثل الورقه بيضه مو تظل يا هو اليجي وكتب بيك
أبقه مثل الورقه بيضه وهمه يتعنون ويبوسون ايديك .
يبوسون أيديك .

الشاعر : خضير هادي