ابو جعفر المياحي ( شهيد المحراب )

شعر ، اشعار شعبية ، اعار شعبية عراقية ، ابو جعفر المياحي

شهيد المحراب
هذا خط حسين خط التضحيات بيه مو ياهو اليجي خط ملحمـــة
حسين كال اللاء من راد الخلود للحياة الخالدة والدائمـــــــــــــــة
وانتة خط جدك سلكتة ياحكيم لاء للذلة كلت بالحاسمـــــــــــــة
وانتة تدري خط ابو اليمة صعب بيه عذاب وضيم والام وضمـــة
كبلك من سنين جدك وذروه وكل نذل منهم يوذره بصارمـــة
واليوم جسمك وذروه يبن الرسول واليوم رد الحزن لمك فاطمـــــة
احنة ندري جسمك مالكوه شفنة جدك لمة حماي الحمــــــة
وشفنة روحك ذابت باب الامير وصرت من بيبان راعي الموزمة
ونزف دمك كطرة منة ماوكع لأن دمك صعد لعنان السمـــــــة
تلاكة دمك ودم الاكبر والرضيع من رماه حسين هذا اطهر دمــة
سألت ربك وانتة مقبول الدعاء الشهادة وهاي اعظم مكرمــــــة
لسان حالك كال ياريت ان اطيح كون وحدة صفنة تبقة سالمــــــة
لأجلك الشيعة تدك على الرؤوس راح ابو الشيعة وبقت متيتمـــــة
شمس انتة واضح بعلو النهار والما يشوفك حاقد بعينة العمــــة
وكفت حسين وكفته ياحكيم بوجه صدام وزمرتة الظالمـــــة
وشارتك هاي الوكع بيهه الطغاة اصبحت مذعورة بالبر هايمــــة
عهد ثارك ناخذة من الحاربوك اي وحك ساكي العطاشة من الضمة
وهذا دم كلبي الكتب هاي السطور مو شعر هذا وتراني منظمــــــة
وهاي حكمة وطحت بهجي باب هذا باب القبلة من يدخل قائمــــة
حنة نتلكاه وبيوم الظهور جدك المهدي وتهلي بمقدمــــــــة



للشاعرابو جعفر المياحي