اجمل اشعار للشاعر (خالد لطيف المياحي)

(عيناك سهام" ترجمني)
(فكيف الحب أن ذا ترجه مني)
(صعب ترجمتي لاكن ترجمني)
ألى سبعه لغات" أجنبيه
بسك لا تصدلي ابعين عشاك
لأن عيني صعب تكدرتصدلك
اخجل وعرك من الخجل لو زاد
علي حملك فلا أكدر أحملك
حجيك بالمشاعر يزرع اجروح
تعيش اجروح بيه وما أملك
مثل شجره وتراميني الحجي احجار
تطك عنكود كلبي وكلبي أذبلك
تكتلني ابتسامه الفوك لشفاف
لأنهه من جذب هاي التكتلك
أبدلنك كلت ماترهم اوياي
ومن صارت صدك مكدرت أبدلك
ماينطيني كلبي أتعلقت بيك
هيج ابلا كلب وتريد اهملك
(بخيالي أزحوف أتعنه وهملك)
(ولتظن لحظه أملنك وهملك)
(أذا ضنيت متئكد وهم لك)
(لأن ميصح يهملك صافي نيه)
نيتي أوياك بيضه بلون لغيوم
لذالك من عطش حبنه أمطرتلك
عفت كلشي الأليه وصلت أوياي
حته ألمو أليه هم عفتلك
صرت راهب أبحبك ثم قسيس
وثم بس ألك آنه صرت لك
بنيت أكبر كنيسه أبروحي يفلان
وصليب أعله الكلب كمت أنحتتلك
لأنك حب صريح وشايل أوصاف
ماشايلهه كل أنسان كبلك
مثلك ماشفت بس أنته بلكون
أنته ألتشبه أنته وماكو مثلك
كلك مسئله وبيك آنه محتار
صعبه ألمسئله وشلون أحل لك
ترك مابيك كلك فرع واحد
أذا أترك فرع معناهه كلك
لاتقسي علي مابيه لفراك
أضل جم دوب أحسبلك وعدلك
(شكثرأحسب أنه الجيتك وعدلك)
(سهرت اسنين انه امتاني وعدلك)
(أريدن بيدي أعوجنك وعدلك)
(وعدلك لومتت مابين أديه)
ناس الماتحب كالو عشكناك
وانه البيك أموت وماكلتلك
ماعافو دقيقه من السنين
وانه أسنين من عمري عفتلك
ماكتبو حرف من بيت ألشعار
ونه بحبك قصائد أللفت لك
تسد باب العجز بيدين شمات
ونه باب الصدر بيدي أفتحتلك
تعال وسد بديك أبواب الاشعار
أخافن ينقرن بعيون حاسد
آنه أوياك واحد رغم شخصين
لأن وكت الضرب ناتجنه واحد
وبلقسمه كذلك نفس الحساب
وفرقنه اذا يدخل الزائد
تعال أعكد عشكنه أبحبل لخلاص
مابسك هجر مو صار واجد
نار أبكلبي تسعر ماهدت يوم
وكظ كلبي وكول أشاه بارد
أصبر روحي كوه اعلل ملذات
وركض عل خيال المني شارد
وماكض من خيالي غير لوهام
وتحمل أثم أنسان جاحد
عفه مني تريد أشهود يفلان
ليش المثلي هم يحتاج شاهد
أحبك قاعده وتحبني قانون
وخيرا" ليس آخر بلتوارد
نعم من السهل تلغي القوانين
ولاكن صعب أن تلغي القواعد
(صعب تلغي القواعد قاعدآنه
وعله أجتاف أللي وكفوقاعدآنه
(رغم من وكت حبكم قاعد آنه)
(عينوني مدير العاشقيه)
للشاعر خالد لطيف المياحي