أحـــــــــــــــــــزان عاشق

يظالم لا تهيج الروح خلهه
عساهه تموت بعد فراك خلهه
لزم ايدي الطبيب وكتله خلهه
المرض بالكلب جا شلك بديه


لاتخدعك ضحكه بالوجه الصبوح ولايغروك بسلام من البعد
غربه تفرحلك اذا تشوفك جبير والك اقرب ناس كاتلهه الحسد
احذر اليمسح اجتافك من يجيك واحذر الصحبه الكثر بيهه العدد
الناس مو كلمن ضحكلك بي امان وذاك من ذاك اليوافيلك وعد
يصح قريب مرافكك لكن حقود ويصح بعيد يصير الك عون وسند


عشكتك عشك يالمحبوب صافي
ولافد يوم عشت ابال صافي
وقصتي لو حجوهه بيوم صافي
تغير دنيتي وتمطر عليه


احبابي شلون حالتكم بعدنه
شبدينه والوكت عنكم بعدنه
اذا انتوا نسيتونه بعدنه
بذكركم كل صباح وكل مسيه


يطارش لو رحت للغالي مرهان
واخبره ترى اني بسجن مرهن
اذا انتوا الزاد عدكم حلو مرهان
حلو لو ننجمع كلنه سويه


يدنيا وياي كافي ظلم بس عاد
اريد اني اعيش بيوم باسعاد
حرام اني اكظي الليل بس عد
نجوم وشوفتك حسره عليه