ابوذيات عن الحزن والفراق اهداء للعضو kolman 1

من طرف سماره الثلاثاء سبتمبر 20, 2011 5:07 pm

ابوذيات عن الحزن والفراق

--------------------------------------------------------------------------------

انه الوحشه وصط گلبي من الفراك

بگد ما عايشت غربه بالفراك

صرت أكتب شعر وبجي من الفراك

وحبر القلم دم يبجي عليــــه

يا لايم لا تلوم النفس خلها
وعساها تموت عكب فراك خلها
لازم ايدي الطبيب وكلت خلها
الالم داخل مهجتي وشلون بيه

زرعت الهيل بارض الشام ورد
وسكيته من دموع العين ورد
حسافة على الحبيب الي راح وما رد
لابد يعود ونكعد احنا سوية

روى الزيتون من دمعي والراك
ولغيرك ما نحل جسمي ولا راك
اخاف اتطول غيبتنا ولا اراك
الوصل شيفيد من تدنى المنية

عليك الليل كله انه ونه
ومعاك العتب هسه ان اوانه
اتهدد بالنفاها انه .. وانه
وينك مو طبك دهر العليه

صرت كهوه لحبيبي بوسط فنجان
فن انس الي يوصـــــــله فن جان
اذا العاقل نضرلك نضره فـــــنجن
وانه المجنون وتكلي انظر اليه