اجمل ابو ذيات 2009 اكثر من 50ابو ذية

من طرف **admin** الأحد يناير 31, 2010 8:17 pm

يشوگ وللغري وياك..ودنه
وإگرب يم ضريح الوصي..ودنه
لعلي ذاك بطـل صفين..ودنه
لارض وادي السلام بهل المسيه

***
فشك بارود وكتي ثار منك
واريد ابحيل اخذ ثار منك
مصايب وكتي كله ثار منك
تحشم بل الوكت وانته عليه

***
شما اكتب يظل اسمك على املاي
وقضيه انت اصبحت ليه وعلم لاي
منارة انت بوسط كلبي وعلم لاي
تظل عالي وترفرف بس عليه

***
ضعت والروح سالت من انا من
يعمي شبيك امن مني امن
تدري شوكت افرح من انامن
لان بس بالحلم تتراوه ليه

***
شكثر نكبات أليـة الدهر ياجيب
كل هذا واكـول ألصبـر ياجيب
أكيف تلغـي أمن الثـوب يا جيب
حـتى ألآخـو ماينكـر أخيـة

***
مصايب غربتي بهجرك لوني"
أفرح وأنسعد وأرجع لوني"
أمنيتي من العمر يمك لو أني"
تواسيني وتضمد جروحي الية

***
عفينه ولاعرفنه اسباب .. شطاك
وعطشنه وماشربنه ماي .. شطاك
كلي الوهدناك اتخون .. شطاك ؟؟
وشخذ منك ثمن جرمك عليه ؟!

................
وهذا بيت كتبته مشتركاً مع الشاعر محمد رحيمة الطائي

مشه والروح غفله .. راودتني
وعليه العين تربي .. راودتني
زليخة بوجه ثاني .. راودتني
عن نفسي وخذت ثوب العليه

كصير الدرب مالك .. ماشعلني
وانا ظنتي ابجهنم .. ماشه عني
طفيت وغير شخصك .. ماشعلني
قيامه لوحدي سويت بيه

متى منياي يحبابي .. سنلها
ويوم البالجفه روحي .. سنلها
دويت ونار فركاكم .. سنلها
وحركت الفزعوا ايطفون بيه

***
سلامي للحب ياطيــر وصله
احبه ومن صدك محتاج وصله
كريم النسب ابن شيوخ واصله
اصل عز واصل غيره وحميه

***
حلة الجوري اعلة مودك منتحلة
وكبر وياك واينع منتة حلة
شتظن زيجك اركز من تحلة
اغوش والثنين تصير مية

***
اريد بليل اجيك وغفل بسكوت@
يالشفتك عسل والطعم بسكوت@
لون انسه جميع المدن بسكوت@
لان مزروعه روحي بشواطيه

***
عطاشـة خيل ودهم لاتردهة
وناس الماتريدك لاتردهة
وصط شمات ايدي لا تردهة
وذا يجفون كص اثنين ادية

***
شفتك ما شفت زخك ورعداك
وخلص حيله الكلب يركض ورعداك
اطيح ولاتظن امشي ورعداك
شماته نصير للوادم سويه

***
شفتك ما شفت زخك ورعداك
وخلص حيله الكلب يركض ورعداك
اطيح ولاتظن امشي ورعداك
شماته نصير للوادم سويه

***
اخوتي الچنت اودهم دوم يمناي
عگبهم ماتهوش عداي يمناي
گمت اصفك يساري فوگ يمناي
على ابن امي السرة تحت الوطية

***
گلبي بنضرة منچ هام عذري
و عشگ عشگچ عشگ عشاگ عذري
ماگولن احبچ هذا عذري

و اجي بكل يوم يم دارج و امرهه
و عشگت الحلو بعشرتنه و مرهه
خطية الروح حيرانه و امره

صفه بأيدچ دشوفي شلون حالي
علية الضيم بس لايگ و حالي
القهر ماضي البشر كلهه و حالي

فقط وياي شو صاير و حاضر
و صرت استاذ باحزاني و احاضر
على استعداد دوم ابقى وحاضر

انفذ كل طلب منچ باشاره
يهالوجهچ سمح كله بشاره
اجيتي من السما انتي بشاره

و جبتيلي الفرح كلة و خيره
بغيابچ روحي مغلوبه و اخيره
سحر سويت انا لاجلچ و خيرة

تشوف شينفع بحبچ وسيلة
و يفيد اهمل دمع عيني و اسيلة
اناشد هالگلب صدگي و اسيله

غيرچ بيه احد منتسبله ؟
و يحب روحچ تمدحه و من تسبله
سألني الگلب تدري من تسبلة

شعرهه شلون چنه بليل حالك
و اريد انشد عن اخبارك و حالك
دگلي بحبهه انت احد وحالك

لو گلي محبتك هاي فطره
و تعال و شوف گلبي شوسع فطره
صايم بالحزن ما شاف فطره

و مرض و انت محبتك مرهم النه
و جفاك الروح صدگ مرهم لنه
حبيبي شبيك تجفي مر هملنه

عليك عيون مو دمعه و اعدي
و بعد ما ينفع حسابي و عدي
عندي اصحاب بالجملة و عندي

فقط محبوب انت و گلبي مالك
و تناشدني و تگلي شبيك مالك ؟
احاچي الكون كله لساني ما لك

و يم روحك تلكأ خاف منهه
و محبتك ما عرفنه الخافي منهه
منه صغيرة عندي خاف امنهه

عليك و ما تحب المنه بينه
و لا نرضه نزعل المنه بينه
الوصايا انت تعرفهه المن نبينه

لو رايد اعلمك و افهمنك
يلي برقتك ماكو و افهه منك
اذا انت تگول فاهم و افهم انك

فهمت المسأله شمالك يخلي
چفك بالگلب خنجر يخلي
و يشوف جروح البگلبي و يخلي

بجروحه و حسرته و خنجر ترك بي
و چفوفك اجت و بزايد ترك بي
ولك حبنه فرع واحد ترك بي

يأما ان تتركه و ان تحله
و يأما ان تشده و ان تحله
طفل عريان گلبي و انت حله

تعال ارجوك وك استر عورته
و تذكر شون بغيابك عورته
ولك عينين چانتله و عورته

لمن رحت و تركته و صار عامي
و الك مخصوص چان و صار عامي
وك مو عام واحد صار عامي

صار اعوام نار و انت جنه
و سكن جني بدليلي و انت جنه
دخيلك دحچي يسمر و انتجنه

شهد صافي و اظن حچيك شهد بي
و تريد اترك و اهد حبك شهد بي
اذا گلبك اقر ليه و شهد بي

حبي شلون هسه تريد اهمله
و انا الدمعي فقط لجلك اهمله
چنت يا ناس بالشدات اهمله

و من طحت بشدايد مره شدهه
لحد مالروح شطت من رشدهه
احل مرة محبته و مرة اشدهه

و مرة اندم على اللجله ضحيته
و احس الروح شو چنهه ضحيته
سوة صارت مسيته وي ضحيته

و سواد الدنيا بعيوني تراكم
و بعد العيون ما تگدر تراكم
لان صار الرمد بيهه ترا كم

و اناشد يمته تشفه من رمدهه
و اجر بالونة مرة و مرة امدهه
اجو عذال بعدك مرم ادهه

من أي عاذل بهذا الكون كله
يالمنك نسجت بگلبي كله
تريد اترك و ابطل شوگ كلا

اظل للموت احبك وك هويتك
و دليلي بنار ما اهوي هويتك
صدگ يفلان ما اعرف هويتك

و لكنك صرت لية هويه

***

سليت الناس لاجن من يسلني
سليت الناس لاجن من يسلني
سليت الناس لاجن من يسلني
سليت الناس من يسال عليه

***
أبتليت وشال كلبي بابلية
ومنـك خذت بابـل بابليـة
بعد للبيت ماحـط باب لية
شتلعتهة بدكتك يعطلك علية

***
بديت أوماعرفت أمنين بدواي
عليل أوحارت العربان بدواي
إذا أنته طبيب اتعــرف بدواي
الحگني بالشفا گبـــل المنيه

***

انوثة جيل حاملهه خــــصرهه
وجموع الحسن بس يمهه خصرهـه
العسل ما فاز من عدهه خصرهه
لان ما داس شفتيهه خطيـــــة