كلش بأتصالك واضح الصوت

من طرف **admin** الأحد يوليو 03, 2011 9:09 pm

كلش بأتصالك واضح الصوت

كلش بأتصالك واضح الصوت

بس مو واضحه كلش نبرتك

فرق كلش جبير بين الثنين

حرورت دمعي وابرودت ضحكتك

صوجك علمتني افتهمك ابساع

...تسكت وافتهم كلشي ابنضرتك

امسح جفن عينك من الدموع

كبل لا تخنك ابصدرك عبرتك

ولا تعتذر عذرك عندي مقبول

خلهه مساتره وهيج افتهمتك

بعد ورايه ارجع للاحلام

ارد امسح صور بيهن رسمتك

اجيت ابالي مره وصدكت جاي

بجيت وشبكت مسودن شبكتك

شبعد عندك حجي وشرايد ادكول

تريد اتعوفني و وصلت فكرتك

حبيبي ادلل ادري اتريدني انساك

عفوا قصدي تدلل حضرتك

مدري شجابني وكلت اتصل بيك

اجه اليل وجنت وحدي وذكرتك

عرفتك من ردت تحجيلي موضوع

حجيته وغلبت احروفك حسرتك

وعرفتك من حجيت ابطاري الوداع

عرفتك يمكن اطول سفرتك

قفلت احلامي والخط بعده مفتوح

وكلتلي وياي وياي كتلك سمعتك

ردت نوصف وكتهه حساسي وياك

وردت تعرف الحصلته ابعشرتك

وبجيت انته وكتلك اتخيل اتكون

نص المعركه وتعثر مهرتك

علا كل الخلص من عمري ندمان

وعلا كل الوصل منك شكرتك

وهي حيره من اودعك ارجع منين

ولمن جايك والمن تركتك

من ارد لشمس هسه ابعيني ما اشوف

يليل نسيتهه ابكد ما سهرتك

يالحالفلي بس ما تارك اشهود

بس فراشك و حايط غرفتك

انعم الله عليك كتلي وانه ممنون

منك علا الوفه الشفته ابعشرتك