قصيدة غزل

خايف من اوصفك تشتهيك الناس
وخايف من ارسمك عالورق
مكدر
اذا منكر صفاتك ربك امسويك
موذنبي من اوصفك ورتكب منكر
اسمر ماتصير
اتحده شمس الصيف
من وجهك اخاف اعلا الشمس تسمر
وعلى المرمر انصحك لاتحط
رجليك
تزلك يازبد وايوصخك المرمر
يبوارموش الكصب دورة عيونك هور
غررك بلام
كلبي اوبيهن اتحيير
براري بوجنتك وشفاهي تعشك صيد
زلفك طير شايه لو غزالة
بر
مطعون بنظرتك كلبي شابع موت
كاغد كلبي صار وحاجبك خنجر
اهرامات اعلا
صدرك يلشفاهك نيل
زهك فرعون صبري وخاف يحدث شر
يلمسودن حسن ربك تعب وياك

من خلص رئاك وكال رب استر
ياشجرة مواسم والفواكه بيك
عصفت ريح جفي وثمرك
اطشر
الحكن تينات صدرك يل وجنتك خوخ
شيلمك بعد ينرادلك مصطر
يبومتون القمم
شعرك صكر مجنون
ويبو خدود الحماده وجفي بيهن طر
طفل ثملان خصرك والعجيبه
البيه
ماميز ركبتك لوهي منه ازغر
شامات الخلك لازم يصيرن سود
بس مثلك جذب
ماشفنه شام اشكر
يافو الحسن يلي بجبينك نار
وياحرب الترافه البيهه موت
احمر
ابنهر جاسم اجذبك مايموت الجيش
نهر صدرك يغاتي ايمووت
العسكر