ابوذيات شاعر الشطرة حازم العبادي

من طرف Eko الخميس يونيو 23, 2011 3:52 am

ابوذيات شاعر الشطرة حازم العبادي

للشاعر الشاب (( حـــــــــازم العبادي))
انة العاشك المن اجلك بعد ما
ضميت وعلي مايلحك بعد ما
هسة اتريد اعوفنك بعد ما
غرامك سرطان انتشر بيه
......................................
شجاك وياي تسري مسرحية
ولا فد يوم جفك مسرحية
وعلي صرت بغيابك مسرحية
ابلاش الناس تتفرج علية
................................................
اتخبل لو بشر جاسك وطخ لاك
وعشيرة اطيك اذا تطلب وطخ لاك
حلو وتريد مادنك وطخ لاك
راسي وراس ابوي وراس ابية
................................................
تفسر لغز حبك والله حالة
وصدك بين ودادك والله حالة
احب حالة بغرامك والله حالة
من اخزرك تفتهمني وترخة لية
........................................
اشكثر نشدوني عن حبك معلم
بسب لنك صرت ضدي معلم
من اشوفك جن طفل شايف معلم
ارتجف والكاع احسة اتروط بيه
.................................................. ......
روحي اتعب اليقرة كصصه
وزماني وصل ماتنعد كصصه
طحت بناس ماتعرك كصصة
ولا ذرت خجل تمتلك هيه
.................................................. ...........
بغيابك عكلي تك صاحي وجنتك
بسبب لني افكدت نارك وجنتك
اشعليك ايصير اذا ابوسن وجنتك
ويجي يوم القيامه وذبة بيه
.................................................. ..........
حبيبي اعذرني خاف وياك زلزال
لساني وكلشي الك موزين زل زل
من اشوفك وسط روحي يصير زل زال
وخلايا الدم خليه اطك خليه
.................................................. ...........
اهنا يل خلفت بلعكل فكين
جفيت ومن يمر طرواك فكين
علج صرت بغيابك وسط فكين
الشامت وبحقاره ايلوج بيه
............................................
اصر انه على حبك وانت فصار
تفك وارجوك لاتشتبه فصار
من اشوفك كأن ربك نفخ فصار
بوسط روحي وقيامه اتقوم بيه