مسجات شوق و عتاب

وحك سورت الم نشرح والف لام
وبعد ماتنفع اعذارك ولفلام
الف منعوني عن حبك والف لام
وعشر تالاف بس تحجي عليه

طار وما كلت للناس عالطار
وشسولف عالجرح بالكلب عالطار
جنت وياك شايل خلك عطار
طفل ما تشتري وتلعب عليه

التعب والضيم جنبي الراحه جنبك
اشتضن من نار كلبي راح اجنبك
عشك العقل خلص راح اجن بك
واموت بعشرتك وابليك بيه

مرة اصفن عليكم مرة سايل
مرة الدمع ناشف مرة سايل
مرة احتار شكتب من رسايل
مرة انتظر ساعات المنية

ياسباح كلبي من حشاكم
وعلية من العواذل من حشاكم
اسب ورجع وكولن من حشاكم

عزاز ومن اسب يرجع علية**


الشوك وياك صدفة قابلاني
شيجي منك علية قابلاني
تقشمرني ابضحكتك قابل اني
غشيم وتعبر الضحكة علية


ماتبينه حبك ياحبيبي مات بينه

سهر ودموع منك ماتبينه
كالولي العوادل ماتبينه
وشنهو لغيرك يسمر عليه


اسف كلبي حمل ضيمك وهملك
قرار اصدرت نسانك وهملك
بعد ميفيد لا دمعك وهمـلك
جنت دمعه وبجيتك هاي هيه

ذبل عودي ودليلي انصاب به داي
والك عمري هديته وضاع بهداي
لون رايد تطلع الـروح بهداي
انته اخر نفس تصعب عليه


انه الشميت ورد شفاك شمتان
عجب بجروح وكتي اليوم شمتان
اذا ناوي الجـفه وياي شمتان
روح وداعت الله بلايهجيه


حسافه العمر دونك يا هوانه
يا عشكنه يا حجينه يا هوانه
دخيل الله انت گلي يا هو انه
وهويتك ليش وشجابك عليه

اشتضن تلحك عليه الاوف لا لا
بليل وداع خده اشتعل لا لا
اكله ارجع يكلي انتهت لا لا
لقد تم البعد غصبن عليه

الكلب معلول ومأيس من شفاه
وعلى خدودي الدمع جاري من شفاه
على الراح وحرم شفتي من شفاه
وكطع حته بحلم ما مر عليه

ترف عندك سوالف ما ردتني
اهي المنك خذتني ما ردتني
ردتك بالبدايه ما ردتني
هسه تريدني شسوي بيه

الى عيونك فتت فتوات شفتين
بحبك اشتغل مو شفت شفتين
الك شفتين بس شلون شفتين
الزمهن فاز دنيا واخريه

علي منيت وشكد حلو مناك
تعال كبالي ليش تروح مناك
الف دولار يسوى الحلك مناك
لان حلكك يرد الروح بيه

الهي الروح ما تقتنع بلهاي
انشد عيني عليك بلهاي

يروحي شمالج تونين شباج
انتي الماي ليش النار شباج
كبل بالبيت باب جان وشباج
وبردة وطب هوى الشامت علية

صكلت عمري الكم لا كتلكم
وفرحتكم بكتلي لا كتلكم
انه الما كلت احبكم لا كتلكم
لساني وذانك يشهدن عليه

احس منك خيانه شاعر اني
الوكت من ثوبي جرني شاعر اني
غلط كلمن يكلك شاعر اني
الشعر لمن عفته وصار بيه

طيفك مشه ويانه خاويلينه
ومنك حزن ناخذ خاويلينه
جومته ابشرك خاولينه
لان بي نشفت من جيت ليه

الهي الروح ما تقتنع بل هاي
شلون انساك يالقاريك بل هاي
تنشد هاي عيني عليك بل هاي
ترد هاي وتكل الهاي بيه

افرح لوصرت يمك وجن بك
وازعل عني من تبعد وجن بك
الكمر يتمنى لويصبح وجن بك
لان الكمر منك نال ضيه .

خنتي وكلتي مو انه بلنتي
ومو طركاعه بيه انتي بلنتي
الوكت صفر الج ضدي بلنتي
شجاج انتي وزرفتي الكول بيه

اساس بعشرتي وياك صبيت
وجنني الهوه وبلشوك صبيت
انجان انته عليه دموع صبيت
بجيت عيون من فركاك اليه

وحق الترك بين الناس ثقلين
عيوني من السهر بجفاك ثقلن
أحبك من صدك يفلان ثق لان
احس أنك شراكة وياي بي

هدملي الحيل حبك واردحلي
والحل فقط عندك واردحلي
احط حلكي عله حلكك واردحلي
الى ان يصعد السكر عليه

اره جرح العشك يكبر وره الدوم
ودخت بيك وكمت ادعم واردوم
مو للدوم احبنك وره الدوم
واكول مقصر وحقك عليه

اكوم اجلالا لحسنك وقفلك
واسجل كلبي ياخلي وقفلك
واحطك بي وقفلنك وقفلك
واطب بصدري وقفلكم سويه

تدري شكد الك كلبي ولع ضام
زغار جروحي يهونك والعضام
اموتن واندفن واعتك والعضام
يزحفلك زحف لو صحت ليه

اذوبن لو عيونك علي تنصاد
وشما توصل لحينه صدود تنصاد
اذا انته تعرف الناس تنصاد
اذن انه الغشيم شلون بيه


ها سل الكلب بجفاك هامات
وياما كبال سيفي انحنت هامات
اخبرك روحي نص الليل هامت
عليك وسحل جابتني علديه

راح اجمع قطع كلبي وردلك
لان كل قطعه بيها انته وردلك
امس مكتوب من عندك وردلك
بجيت وطاحن عيوني بديه

الك اجمل رسالة ابعث ورقها
حبرها ادموعي وقلبي ورقها
يالمسبب سهر عيني وارقها
عزيز وشوفتك صعبت علية

الدهر مايوم حن گلبة ولانه
عگب شخصك الف شامت ولانه
لاانته عرفت الحب ولا انه
ضلمنه الشوگ والعشرة سوية

ياهل تنشدعن أحوالي تراني
ابد ما يستوي وكتي ترى ني
صحيح الناس متهندم تراني
لجن نيران البگلبي سريه

يكولون الهوى للعشاك شل حال
وغرامك حيل بهذلني شل حال
يسالوني انه الحبوب شل حال
انه ميت بسبب فركاك اليـه

صفيت انه وحبيب الروح بالروح
ولوم الكلب من فركاه والروح
دعيت الله يبدل روح بالروح
وخذ روحي ولا تزعل عليه

أصبحت شرياني يلغالي دمنتة
وحك حيدر علي حبك دمنتة
وماأنساك أنالحضة ودمنتة
عيوني ثنينهن ونتة الهوية

اني الهايم بسرح شعرك وفركة
وليمسك هواي ادوس عليه وافركة
جزاتي وياك الم وجروح وفرگة
واظل اتناك وماظن الك جية