جديد دارميات

مساء الشوك يلي من العسل اصفى

ولوبيدي علاج الناس لخلي شوفتك وصفه

ولوأزعاج من عندي
أرجوالمعذرة منكم
تعود عالرقم صبعي
يغافلني ويراسلكم.


لاتمشي بين ألبشرخايف تصيبك عين
مشكلتي لوأخسرك مثلك أجيب منين.


أذابعض الناس يتمنون بعدك
فأناعكس الناس أتمنى ان اكون قطعةمن قلبك


أحلم واسولف بيك واحلف براسك
النجم لو مر بيك دنك وباسك


ماأكدر اوصل الك ولااكدر انساك
مدري الزمان اشلون ورطني وياك


مجنون بيك اعترف وبروحي
ضميتك
ومن دون كل البشر بس انته
حبيتك


يل بالكلب طبيت حيل اسحك اسحك
اردح على السباح والله انته
ابو الحك


بكل زخة مطر
وبكل رشة عطر
وبعدد من حج واعتمر
احبك ياأغلى البشر


اهديلك البوسات كلهن فرد نوب
لوغارو العذال يطك الف طوب


ردتك تجيني اليوم وبعيني اشوفك
وشلون اصبر الروح من كتلي
اعوفك


صح من انام اليل واتغمض العيون
بس الكلب والروح بيكم يفكرون

لــ تمشي ــو امشي وياك لــ تبقـى ــو وياي
الزرع شلــــــــــــــــــون يعيش لــ فارك ـو الماي


اسمر بعين الناس وبعيني لاله
كل الزبير يروح فدوه لخياله


اتونس اعله اشفاك لو حركتهن
انسه شتريد اتكول وانسه الكلتهن


ابجـــــ من ـــــــــــــــي اشوفك جاي واضحك بالفراك
جيـ كلبي ـه عفته وياك ماحاجـــ اشتاك ـــــه


انخاني شوف اشلون راح
انتخيلـــــــــــــــــــــــك
اتعكز اعلى اضلوع صدري
واجيلـــــــــــــــــــــــك


احس القلب محتاجك وطول البعدجارحني
وأناأسف لأزعاجك بس الشوك ذابحني


من كل كترمجروح أصبح وطنه
واجب علينه انكوم وانضمده كلنه


للصاحب امشي بليل وللخوه ممنون
ولو نشف دمع العين ابجيله العيون


كطعني ذبني بنار واحركني بيدك
التم وارد اردود بس كول اريدك


شدني بجذع من نار وارميني جيلات
ايدفنوني اجيك بليل بالكبر مابات


الكلب تالي الليل فز بونيني
لو للحبيب اتروح لو توديني


الكلب تالي الليل فز فرد فزه
لو للحبيب اتروح لو نحري احزه


لو غبت عن الروح احسبهه شده
واحرك بدمع العين حتى المخده


ارد ابجي تالي الليل بس ابجي بهداي
والصخر لوله اعيون جان دمع وياي


رحت انه للدكتور شاورني بسكوت
لو ولفك يداويك لو باجر اتموت


بروحي احط اهواي واتلفلف اعليه
بالكلب ست اجروح سابع اخليه


سلمتك الدلال وبتوته كلهن
ظلت بكيفك عاد تكطع تشدهن


مالي كلوب اثنين خو تدري بيه
واحد واخذته وياك وشظل اليه


بالكلب شبت نار طفيها يهواي
بالوصل تطفه بساع ماتطفه بالماي


يل عاينت بهداي كطعت البتوت
سنح دليلي وطاح ترمش تموت


تيزاب احط بالعين واعميه بجفاك
خافن تصد للغير وانس المضه وياك


لا تعتقد ناسيك دوم بخيالي
من دكت النقال اعرف الغالي


حط منخلك وبضيج وبساعت امصاب
غربل وشوف اشلون مغشوشه
الاصحاب


غربلت ماخليت كلمن مشه وياي
من المنخل ايطيحون اسرع من
الماي


بلدمع غركانات ابقن يلعيون
الفارك الخلان يتبسم اشلون


هاك اخذ گلبي ویاك یلماشي لهواي
گله انزرف بجفاك وابوصلك ادواي


هنيالك أنتةتنام ليلك بله هموم
صدكني من فركاك من نومي محروم.


شوفي شكثر ولهان وتعبان بالي
بس إلك روحي تحن والله
يغالي


لاتلوم ألي يودك باع روحه
واشتراك
ذنبةالأول يحبك وذنبةالثاني غلاك.


وحك موت ألأخذعباس وحك من غمض أعيونة
أحبك من كلب ولسان لأن أنتم
تحبونة


هاك الكلب يفلان اخذه برساله
مكعدني نص الليل يشكيلي حاله


زين انته نص الليل كلبك يكعدك
كلبي انه الك يهواي رايدني اعبدك


كلبك يشك اضلوع لكن جبرتة
جالك كليبي بليل ما ادري سكتة


كلبك خلص تكطيع متعجب انته
كلبي انه فركاك اذكر شلعته


تدري انته شيصير من تعبر عليه
ابكلبي رجفه اصير وتموت اديه


لو تدري بيه شصار من غبت عني
مثل اليهيم بليل وبراسه جني


ياصاح دمعي نشف ماظل دمع
بالعين فراك التحبهم صعب شك
الكلب نصين


لاتضن حي وانساك ونسه الليالي
جثه بوسط تابوت ونته على بالي


سلم عليه وراح حسبالي ضدي
ماادري لمن راح راحاله خدي


صدكني ماانساك صدكني احبك
دورني شوف البيك تلكاني كلبك


ماشفته مامر بيك دلالي ماجاك
فر مني هذا اليوم كالوا تعناك


شتظن اعوفك بعد واكدر على غيابك .؟
مو روحي شجره صبر ونزرعت ابابك


ضيم وقهر وفراك وهم دمع سايل
وصار الكلام وياك بس بلرسايل


اتمني اصير اعيون وابجي على خدك
تدريني اموت اعليك كلشي ولابعدك


من كثر مامشتاك ذكرك على البال
بنص كلبي الك ياصاح راح ابني تمثال


ماضل عضو من اعضاي صاحي واجيلك
ياأبرهه بكل يوم يسحگني فيلك


خليهه حلوه النار تجويني خلهه
احاه تگلي الروح اشاه أگلهه


أهلا وسهلا بيك اهلا وسهلا
وگبل السلام اعليك دمعاتي هلا


أبشر يبعد الروح لرگبه دونك
ومثل النسر لوجاع لليضدونك


اهلا وسهلا بيك انته وسلامك
وتسوه اثنعش مليون نكلت اجدامك


يتشابهن باالضوك ملحك وملحي
بس انه حط عالزاد وانته اعله جرحي


لابيك جيه اوتجي اولابيه انه انساك
ضليت بس بلحلم نتلاگه انه اوياك


الروح حنت الك والعين مشتاگه
وتدري اليحبه القلب موهين فراگه


عطشانه روحي عليك ما تروى بالماي
تروى من اشمك حيل وتشمني يهواي


طال الهجر يمعودين للغالي بس ودوني
ما شايفه صار سنين مو راح تعمه عيوني


تاج انته عالراس تاجك عراقي
شامخ يظل مرفوع وبيك انته باقي

حرت بس ابعث رسايل ولا يجي منك خبر
معلوس لو عايش حبيبي لو طايح تحت الهمر

يا غايب بيش اشتري شوفتك
اراوس اليوم عمري بس بوستك

ياروح الروح ارجوك لا تروح تره عندي كلشي مسموح
الا هجران الروح هذا تره ما مسموح

حبيبي يا ملاك يلي ما اهوى سواك
بعد العشره وياك شلون اتريد انساك

بغداد منوره بنورك وروتانا تغني لعيونك
وكل شباب العراق تروح فدوه لعيونك

العين هلت دمع والدمع صار انهار
وحبكم سكن الكلب وظل الكلب محتار

ادري احباب كثار كل مطلوبي اصير منهم
صدكني اني مو طماع يكفيني ولو اخرهم

راح اكون احسن منك واسأل عنك
لو شغلتك الدنيه عني الدنيه كلها ما تشغلني عنك

روحين احنه بجسد شيفارك الروحين
مثل الورد بالغصن مثل الرمش بالعين

كون الاثير تضيف خدمه جديده
وتنقلني انه بساع يم الاريده

ناذر نذر لو جيت وتشوفك العيون
اكعد واجدي اسبوع يم باب الحسين

سلم ولو بالعين تكفي الاشاره
روحي ابتلت بهواك سويلي جاره

رش بلدرب تيزاب حافي اعتنيلك
لو ترش مو تيزاب لو تزرع الغام

اشما تكول الناس عندي انت لول
سوي كلشي بالدلال يلحلو مخول

حن ما تحن يهواي انته وضميرك
المهم انه احبك ما احب غيرك

انته اول الحلوين متصدر الكل
حته المروره البيك حلوه تكـتل

حبك طلع صاروخ طك وتفجر
بالكلب مو بحشاي سوالي بنجر

اصفن واحاجي الروح وين احنا جنا
هم ترجع الايام ويلتم شملنا

اراسلكم اظل للدوم وبحبكم صادق النيه
ويظل كلبي يحن الكم شمدار الوكت بيه

مجروحين وجرح البينه يادنيا والله يكفينه
لو ندري الحب هموم يادنيا ما حبينه

بجروحي العب لعب بس هالجرح خله
يا وكت بس يلجم راد الكلب بس خله


كالوا يشوف المحب كل من ترف عينة
رف قلبي ويّه الجفن بس المحب وينه

انت الهوا بدنياي واتنفسك دوم والنفس ما ينعاف بالصحوه والنوم

ارتاح من احترك واطفه بجمر نارك صدكني حيل انقهر من افقد اخبارك

سامع قصة العشاك وادري العشگ طرگاعة واحبك رغم كل هذا وافكر بيك كل ساعة

بنقالي يطلع ورد واشتم عطر مشمش ولمن عرفت السبب لان انتة المرمش ..

شكثر عندي عزاز بعيوني ذني بس انت اعز الناس حتى اعز مني

أحلم واسولف بيك واحلف براسك يلي النجم لو مر بيك دنك وباسك...

مشتاگلك موموت مشتاگلك موتات
لادمع ظل بالعين ولابالگلب دگات

حسبالك اني انساك لو ما اخابر ماينحمل فركاك بس كو صابر

دوخت روحي وياك صارت عجيبه شوبس الك تشتاك شنهو المصيبه

لا تعتقد ناسيك دوم بخيالي
من دكت النقال اعرف الغالي

ضوجه وقهر هموم وكملها الفراك الكلب نص الليل لأحبابه يشتاك

لأجلك أصك الناس وأصعد البطه واليحجي حتى وياك بالجنطه أحطه

اتمنى جاري اصير واشمرلك العين تشبع منك شوف واخذها بعدين

الدنيه للتهواه تطلع ثديها
وتكضه خاف يطيح بثنين اديها

الدنيه للتهواه تركص مفرعه
والماتريده ينوح لو خلص دمعه

ونت قهر ونيت كلبي اهجسه انعاب
اليحب كون يموت لو فارك احباب

الحمزه والعباس والبيت الحرام
انسه امي كون انساك وابره من الاسلام

يسهر بعيني الشوك طول الليالي
بوجه الوساده تشوف وجهك يغالي

مالي كلوب ثنين خو تدري بيه
واحد وخذته وياك وشظل اليه

بالكلب شبيت نار طفيها يهواي
بالوصل تطفه بساع ما تطفه بالماي

عد سكته يالمحبوب وياي الجروح
من شفتك وللحين جم شوغه بالروح

ايه والله والعباس وثنعش ايمام
شيبت وانه زغير من جور الايام

ثاري الزمن غدار سواهه بيه
ضحكني ليله ويوم بجاني ميه

بس احنة وكت الضيج خوتنة زينه
نمتد جسر للناس تعبر علينه

بكل دكة كلبي يصيح باسمج يحلوة
خليني اشوفج يوم مو كافي قسوة

صارت غشيمه الروح موش اعله هدكم
تحسب قهر وجروح كامت بعدكم

قلبي التولع بيك انغلق بابه
وغيم عليه الضيم مثل السحابه

الخوه بس وياك تنحسب خوه
من راسك الرجليك تنكط مروه

يا عمي والعباس حلوة الليالي
والاحله من كل هاي انته اعله بالي

البشر طبعه الغدر من ياكل الجمار
ينكر احسان النخل ويذب السعف بالنار

اعمى واضل محتار لو ما اشوفك
انعل ابو الينساك يا ابو اليعوفك

خاربت حته الروح بمحاسبي وياك
شو طلع نص مثقال صافي التعب ذاك

صابتني عين الناس لو مني مليت وتنحسب كفرة عليك لومرة رنيت

هم شرك هم اسلاك هم لغم بتار كل هذا وتعناك ياشمعة الدار

ياروحي تشتاكين للگلبه خالي
ظلي إعلى جمر الشوك روحي وتعالي

يل تنشد عل الجانون شلك شغل بي_ حاميلي سبع شياش كلبي ارد اجوي

يوسف يكص جفوف جان بجماله
ووجهك يكص كلوب لو هل هلاله

بكل حلو لوله تصير بس شحجي عنك
صارت اللوله البيك حته أحله منك!

كون الجمال البيك اتمنى بيه حتى انه من اشتاك اصفن عليه

مخلوقه هاي الناس بالقدرة من طين ورب الخلق سواك من مشمش وتين

كل ما أريد أنساك بسمك يصيحون
يتحرك الدلال وتهل العيون

حبك عسل يهواي ناوشني بوسه
دزهه برساله بساع لو سوي هوسه

الوكت ماخلاش فرصة زيارة كل التسير عليه مشتعله ناره

بالحلم شفتك طيف كحلت العيون
نايم وأفكر بيك من أكعد أشلون

تسأل عليك الروح ليش انت غايب؟
الگلب من فرگاك شاف المصايب

صداقة الطيبين ذخرعند الشدائد وصداقة الانذال قهر وهم زايد

كون الكلب بيه رام مانمت مجروح
حتى أفتح أبلوتوث وارسلك الروح

لو خلي يعطش يوم او مذبل الكيه
اعصر عيوني عليه ومن ميهن اسكيه

لعبة الدنيا وياي لعبة مجانين
طلعني من سيان وتذبني بالطين

متعجب بدنياك دمعك عله الخد
دمعي جره بنهرين خله الجزر مد

حب البنت جذاب ماعذب كلوب
وحب الحلو ياناس مشاني مكلوب

واكف حبيب الروح لازمله سهمين
ذب سهم بالدلال والثاني بالعين

شكثر شايف ناس وشكثر خاويت
تره والله بالدلال بس انت خليت

هم دهري هم دنياي هم الليالي
نوبه ابجي عالاحباي نوبه عله حالي

غلطه وتريد تصير حجه وردتها
لو صدك طيب ذات جان غفرتها

كوه وجبرته يتوب بس كون ينساك
وبلهفه شك الضلوع كلبي وتعناك

اهديلك الدلال واهديلك العيون واوفي بوفى عباس من وافه الحسين

من كلبي خذلك نار جمل جهنم
والما يعرف ينوح مني يتعلم

صح اكو والله عطاب وتشمه الخشوم
من كلبي هاي النار مو من الهدوووم

كلي تكدر تخيط جروح كلبي انته خياط
خلاني وكتي دوووم طاير ولا حاط

فوك السمار البيك عيونك وساع
امشي عله كلبي لاتمشي عالكاع

كافي تعذب الروح ما أكدر أنساك
اجرح وأكلك زيد مو بيدي أهواك

الغالي عني ابتعد خلالي جرحين
داويت جرح الكلب شينشف العين

هم دهر هم دولاب وهم قسمه
هايه
حظي يمشي بالمكلوب دومه ورايه

هم دهر هم دولاب وهم ماكو قسمه
مفاركه عشر سنين وماناسي رسمه

انته الكلب وانته الروح وانته المحنه
والكلب لو ينساك أتبره
منه

كلبي وكع بالكاع والماشي شاله
مو لازم أسمع صوتك دزلي رساله

محبوبي لو شفتوه ماظن تصبرون
وخطابه كل الناس انتو التودون

جرح الفراك يهون عن جرح الوداع
البيه دليلي انصاب يتطشر أرباع

وين اليخيط العين ويفكني منها
كلما تصد للدار يكثر حزنها

طال الهجر يمعودين للغالي بس ودوني
ما شايفه صار سنين مو راح تعمه عيوني


يامسافر الله وياك بسم الله محروس
ياشفه بعد شفاك تستاهل البوس

الرد

لتظن سفرنه يطول ليش انته خايف
ولغيرك يظل ممنوع بوس الشفايف

كاع أنه وانت الطير لابد تحط يوم .
وتمر علي فحطان لو ذرك الحوم
الجواب
طير انه وانت الكاع وتريد احطن .
لوذرني انه الحوم بالماي اغطن