ومضات شعرية

خليتك حلم وعيوني ترسم بيك
وغير عيوني محد يكًدر يرسمك
وندهوني شكثر بسمي وجنت ناسيه
وكًلتلهم نعم من صاحوا باسمك

من كًد ما ترف ينشاف بيك المي
وتخجل من ضواك وتنطفي الشمعه
اظن عشرين واكثر حملت امك بيك
لان دقة جمالك مو شغل تسعه

لحيت اعله ابويه وكَتله بيع البيت
يمهم بيت بويه وخاف يتأجر
فرح والله ابويه وكَام ينطي اللوان
طلع حتى ابويه عليج هم يفتر

احبك حب ولامر اعله انسان
وتدري اشكد احبك راح افهمك
احلمت بالجنة انه وانت بالنار
اكفر كمت حتى انتقل يمك

كاعد يمي اشوفك ايد فوگ الأيد
ومفتون بحلاتك والگلب يسعر
تگرب يمي خدك وانه اگلك
روح خافن بس ابوسك يصعد السكر

شكثر مرت حقب وسنين وعصور
وأدم للعشك ما سوه دستور
ولو بيدي اسوي اليوم قانون
اكرم بالعشك ... سكان الكبور
قانون الشعك لو جان موجود
جا حواء صارت بالارض حور


من طبع الحلو تهواه بس الناس
ليش انته تعشگك حته اغراضك
قلم الحمره يفرح من تلزمه يذوب
وتدني الشفه هوه يروح گدامك

لا تَفْرحي كَثيْراً ...
فَلُربّما سَتَعْشُقكِ شَهادةُ وَفاتي !

تلك الفراغات التي بين اصابعنا خلقت لتملأها اصابع يد اخرى



موبس برضاك تولعت بيك
بخصامك حيل متولع خصامي
احب البيك واكره كل شي موبيك
لذلك كمت احبك عامي شامي

طبع بالعده ماتتعده خمس شهور
وانه لفركتك كل يوم اعد عده
لا تعتب علي لو كثر بيه الشوك
انه شحصلت لمن جنت ورده

من جمالك كلهه توكف
وانه كاعد مستريح
مولان مامنتبه لك
لان بس اوكف اطيح
عكس كل البشر عدنه احنه الاطباع
ورثناهه من اهلنه وضلت تدور
بصباح العيد تمشي الناس ترتاح
وصباح العيد عدنه ابين الكبور
ايه من الجمال وصعب تفسير
هوشنو انه وافسر للبشر ايه
اخذلك هيج واحد كابل مرايه
دنت نفسه اعلى نفسه وباس المرايه