اجمل شعار سياب البصرة عبد الحسين الحلفى

سياب البصرة عبد الحسين ألحلفي
أحبك مو لأن أنت حلو لا لأن روحي ألتقت قبلك ولك بيك
أذا أنت تمر على أعمى يصيح ألله والأخرس لون حاچيتة يحاجيك
أذب گلبي إعله سهمك وآنة مجروح وأگلك دير بالك خاف أأذيك
أجرحني ولك بس كون عالكيف لأن وي دمي أنت وخاف أبديك
أجرحني ولك بس كون ما أموت خاطر من يتهمونك أبريك
على مرايه وگفت ما شفت وجهي شفت وجهك طلعلي وگمت أحاجيك
وثبت بمرايتي وجهك مرايات وتباوع وجهها مرايتي بيك
بگذلتك شد رگبتي وطلع ألروح أريدنهه بعد تتقرب عليك
أنت بحضني بس أعتبرك بعيد أريدن كون هيج آنه أنخبط بيك
بيا شارع مشيت گبالي ألگاك وأطب لغير شارع هم ألاگيك
تطب للبيت گبلي ألگاك بالباب تطب گبلي وأطب وتگلي أتانيك
وفكرت أحب غيرك خاطر أنساك طلع غيرك يشبهك فكرت بيك
تالي ألليل أگلهم باچر أنساك وأفز من غبشة ألله وأحچي بس بيك\
اسولف ويه أهلي بغير موضوع وأهلي تعجبوا من جبت طاريك
ألشاعر عبد ألحسين ألحلفي ( ألبصرة )