دارمــــيات وبــــس

من طرف **admin** الخميس فبراير 10, 2011 10:12 am

حسدوني ولهاليوم ماشيب الراس
شيب الطلع بالروح ماشافته الناس

2_شماتي بالتشييع جتلها فكره
للجنه خاف يروح طيحوه نكسره

3_ريت الله لاينطيك يالصحت باسمه
فر فرة العصفور كلبي شيلزمه

4_والوحدك بالكون ياربي وحدك
ارحم بحالي شبيك موآني عبدك

5_ناكه وظهر مكسور عمية وعليله
وجماله فوك الظيم حملك أشيله

6_سلاني سل فركاك وأثر بالعظام
حط محبسك بالراس ينزل بالجدام

7_سلاني سل فركاك وأثر عليه
دوروا حتى عظام مالكو بيه

8_سلاني سل فركاك حيل أثر وياي
بفراكه صحن الجاي غركني بالماي

9_سلاني سل فركاك ناحل دعاني
بالمجهر يدورون محد لكاني

10_كون التريده الروح بمنازع يفوت
حتى التهي وانساج ياغصة الموت

11_أربعطعش نمام واثنعش واشي
سدو عليه الباب كطعو معاشي

12_بت بعد بالدلال بت لاجن آنه
كلساع أعدل بيه يزلف مجانه

13_سلمتك الدلال وابتوته كلهن
ظلت بكيفك عاد تكطع تشدهن؟
14_يالواكف اعله الطوف خويه إنت إبن من؟
شلعت عشر هروش غير اللي ذبلن

15_ياكمر لاتضويش ظل محزن وياي
انته اعله نجم الطاش وآنه اعله دنياي

16_أحاه يخوتي الشيب غط هدب العيون
ماوجد الشمات من اليحبون

17_متعجب من الشيب واصل للعيون
آنه جريب الماي وماوجد الماعون

18_شيبت بالعشرين هم يرضة أحد؟
السبت أشوفه! ألكاه ميت بالأحد!!

19_شيبت بالعشرين؟ يساعدني آني
جا آنه بالكاروك والشيب إجاني

20_الدهر بس وياي راكب احصانه
ويكلي وين تروح كدامك آنه

21_يادهر بسك عاد كافي نتلاوه
من زغر سني وياك واحنه عداوه

22_الدهر بس وياي سرفن ردانه
حتى اليريد يموت حطني بمجانه

23_ياكلبي موش اليوم أفرغ واجويك
ملتهي بجوي العين لاتظن ناسيك

24_الدهر كص يمنتي شل يسرتي البين
بيش الزم الدلال بيش أمسح العين

25_هم شفن هم سمعيت بالجلوه ركعه؟
فضها الدهر وياي صكعه اعله صكعه

26_حتى الجفن ياناس ماريده أبيض
إنصبغ كلي اعليه وأعتب على الحظ

27_كالولي بنت الجار دكتوره طلعت
عالجت كل الناس ولكلبي شلعت

28_من بعد سبع أمتار دمعي أرد أدهديه
دورنه يلحلوات تلكن سمج بيه

29_ يالترجف بتموز من يجبل اهواك
تعرك بنص كانون من يكعد وياك

30_أتمنى كون يصير لحدي اويه لحدك
أو من يرجع الدفان أكعد واكعدك

31_أتمنى كبري يصير كبرك يحاذيه
وينهدم وكت الليل الحاجز البيه

32_كبرك يظم إثنين ليش إنت وحدك
ريض واخذني وياك ماأبقى بعدك

33_تتمشى بالبستان بنت النجيبه
سوه شخط بالكاع طرف الكصيبة

34_شفت الصكر مربوط وحرسه عصفور!!
شوف الزمان يدور حتى اويه الطيور!

35_الأرض كلها أرواح خفف مشيتك
حتى علميتين عمت أذيتك

36_حطي إيدج اعله إثنين يمة الطمع زين
والثالث إحجي وياه خافن تفلسين

37_يمحمد الخوان عازتهه عازه
والما وراهه صياح وحشة الجنازه

38_ها مسه وها مصباح باجر يشيلون
رجليه شالن طين من دمع العيون

39_ها يلتشل اجروح شل كلبي بسيم
خافن رجيج الخيط ويكطعة الظيم

39_لاجرح لاجرحين لاشك واشله
وتكومت الجروح عله اعله عله

40_ماظل كتر بالروح مابي جرح حار
حتى الجرح مجروح جرح بجرح صار