ابوذيات متسلسلة الموضوع لكم احبتي

من طرف **admin** الإثنين مايو 30, 2011 5:33 pm

منتدى الشعر الشعبي ملتقى الشعراء الشعبي العراقي
منتدى الشعر الشعبي ملتقى الشعراء الشعبي العراقي
منتدى الشعر الشعبي ملتقى الشعراء الشعبي العراقي

ابوذيات متسلسلة الموضوع لكم احبتي
ابوذيات متسلسلة الموضوع لكم احبتي
ابوذيات متسلسلة الموضوع لكم احبتي

[center]السلام عليكم
هذه مجموعه من الابوذيات متسلسلة الفكره
اضعها بين ايديكم واذواقكم احبتي.

بسجن مقفول حط روحي وجسمي
وعله الاوراق من بعدي وجسمي
خمس اسنين أنه مناطر وجسمي
أُعيـــــن فـــــي وزارة دوشگيــــه

لأن لحكومه ما عدهه وظايف
خطيـــه العــدد متكاثر وظايف
طلــع يتعذر العالــم وظايــــف
شهر نگطع القوه الكهربيــــه

لأن نحتـــاج قــوه للعســاكــر
ضوه تكيف رادار العســاكـــر
ويدعي جيشنه الباسل عساكر
وبچه وعيونه نگطت يهوديه

لأن لا ابوه اعـــرابي ولمـــه
عله العزّل جِمـع حقده ولمه
اتفرع حـــره في غزه ولمــه
تتابع بالبطــــوله الخليجيـــه

لأن غيـــرتنه ماتت مات جدنـه
صفت بس هزل لمه مات جدنه
صلاح الدين جدنه مات جدنــه
اسلّـــم للكفر واجتف اديـــــه

واگولن ها عطفكم ها رحمكم
علــه التاريخ كافرهم رحمكم
اريـد اسألكم بربكـــم رحمكــم
عربيــــه شــال من البربريــه

امام عيون اخيهه بالچتــافي
يظل بشمس عاره بالچتــافي
لعد بس ثخن عندي بالچتافي
اطــم رويحتي واللطم عليـــه

وعليه العين تهمل من كراهه
وعليه العين تهمل من كراهه
وعليه العين تهمل من كراهه
وعليه العين تهمل دم ســويه

لأن ما يستحق لبسي ولكويت
رضخ يا حيف للمحتل ولكويت
يغالبني ابــن عمــي ولك ويــت
وره اركــض اغلبك مو قضيـه

ولكــن القضيـــه مـن امــــرلك
انه المر اختصاصي من امـرلك
تسد بوجهـــي بابك من امــرلك
نسيت آني البطل حامي الحميه

الوگف وگفه لفضايحكم ولجدام
برض سينا من جنودي ولجـدام
تريدونـــي اصح حافي ولجـــدام
ذخر عنــدي انتعلهـــن عالوطيـه

واگص جدامي لو تلبس نعلكم
لأن الوكت سولفلــــي نعلكــــم
اظل آني ابن ذنــــي ونعلكـــــم
اكــد آشــــور سومـــــر بابليــه
اكــد آشــور بــابــل سومــريــه

محبتي

[/center]