غزل يمووت | صابرين الكعبي

من طرف **admin** الإثنين مايو 30, 2011 5:29 pm

غزل يمووت | صابرين الكعبي

صباح |مساء
النور

اخافن موت

الشاعره : صابريـن الكـعبي

انه اخافن موت لاباجر تروح
وبالتخرج منهو يحمل فركتك

رايح وثوب التخرج جن خذاك
جم كلب يراد واحمل غيبتك

شدتك هالروح احلك مستحيل
وي نفسهة الروح صدك شدتك

وانا صار سنين اعيشلك غرام
وروحي احلام وقصايد خطتك

عمت عين الجامعه خلافك تصير
وامداها الروح لو يوم انستك

اذا باب الجامعه عيونه عليك
يعني حتى الباب عاشك طبتك

جامعه وقاعات تهديك اصطفاف
وعاشكه الطلاب كلش صورتك

لان مو مثل البشر شكلك عجيب
ولا اضن من طين منشا خلقتك

يلزم الطبشور روحه بلايه ايد
على الصبوره يهلي بجيتك

ورفضت الصبوره جية غارت عليك
ذبت الطبشور هيه الكتبتك

انت اذا حتى الدرج صافن عليك
لان من تصعد يدوخ بوجنتك

وينسه كل طلابه ويعوف الدوام
وتصعد البايات تتبع صعدتك

انت كل ما رت اشوفك معجزات
يعجز الكون وتعجز وصفتك

من تمر زعلان تابين الدوام
وتضحك البصره على واهس ضحكتك

صيدله قانون اداره ويه الفنون
سمتك قرصان عصرك سمتك

وانا هسه انا عرفت سر الجمال
وشنهي اسباب التخبل خلتك

انت امك بالشكر منتسيه بيك
وللصبح تاكل شكر من جابتك

تحياتي