مدرسة الغرام وبيك عشر فصول

من طرف **admin** الإثنين مايو 30, 2011 5:20 pm

مدرسة الغرام وبيك عشر فصول

مدرسة الغرام
.........
......
...
ضميتك عشك والعشك حفنه أسنين
يافرحة طفل نام أعلى صدر النــوم

شبكتك ليــل تكتبلي قصـــايد شوك
وكتلك لاتفزز لذة المالــــــــــــــوم

وفديتك من صباي بكلمة أهـــــــواك
وألبس ثوب روحي من تجيني بيوم

غركانه بغرامك يــــــــابحر مسعور
أفوج بغير فوج ومااعرف العــوم

كلت أسنين عمري خضرن قــداح
ياوردة النرجس ما جزاهه السوم

أمي من تحبني كلت أنــــت اهواي
وأشبكهه وونن ونة المضــــــيوم

أشمنهه وأحبهه واصرخ بلا صوت
لان حبك خرسني وصارلي جيثـوم

وكضيت سنين عمري أتماطل وياك
جاويــن المواقف أبقه ثــــابت دوم

خذت مني قضيتي ونشفتلي الريج
وعايفني قضيه وبس جرح ملجوم

ياساس الرمل واني البنيت أعلــيه
ياغدر وخيــــانه وعفه مامش دوم

مدرسة الغرام وبيـــك عشر فصول
تسعتهن خيـــــــانه واليظل مثلوم

بعد بيه هوى يمــــكم بعدلا
غرامك والهوى البيه بعدلا
دخيــــلك لاتمر يمي بعدلا
صديقة عمري ماخذهه هديه

للشاعر البصري
مناضل الناصر