قصيدة ..,,,مــــــا بـــعـــد بـــيّــــه ,,,...

من طرف **admin** الأحد مايو 15, 2011 8:13 pm

قصيدة ..,,,مــــــا بـــعـــد بـــيّــــه ,,,...

الشعر الشعبي العراقي - اشعار شعبية اشعار شعبية عراقية للشعراء العراقين , الشعر الشعبي العراقي ...
الشعر الشعبي العراقي - اشعار شعبية اشعار شعبية عراقية للشعراء العراقين , الشعر الشعبي العراقي ...
الشعر الشعبي العراقي - اشعار شعبية اشعار شعبية عراقية للشعراء العراقين , الشعر الشعبي العراقي ...

قصيدة ..,,,مــــــا بـــعـــد بـــيّــــه ,,,...
الشعر الشعبي العراقي - اشعار شعبية

( ما بعد بيه )

خلصن ما بعد بيه ..
ويا حبيبي ..آني متأمل تجيني وما اجيت
وما حچيت لشخص غيرك..حتى وانت ابعيد عني .. اني لطيوفك حچيت
ليش ما فكرت بيه؟ انت مو گتلي احبك
وگتلي دربي هو دربك..والله يا محبوبي صدگ اني اتمنه المنيه من رحت عني مشيت
ليش مو ذني مكاتيبك بديه وانه اگلب ورقه ورقه
سطر بيهن والله اموت اني عليك
وسطر بيهن روحي ما تغله عليك
واني گاعد وحدي ابچي ..وبللت دمعة عيوني اچم رساله
وچم سطر ممسوح من دمعي عليك
عجب يا محبوبي كل ذني نسيت
خلصن شوغات روحي وما اجيت
واني بس اهذي واسولف ..بلكي الله ايرده ليه
مؤمن وعندي قناعه النهر ما ينسه ميه
خلصن ما بعد بيه
وياهوى الخمريه يكتل ..وانت كل الزين تذكر
اني گضيت بارض صبخه يحيف العمر اشتل
وتالي من جاني الحصاد ..لمت الناس السنابل
واني حت ما صحلي منجل
وياهوى الخمريه ياخذني بدفو ليله مظلمه
وحيل تشبكني بديهه..ويقترب خصري لخصرهه
بلحظه چنت اني الملك في هالزمان
وبيدي امشطلهه شعرهه..واني سكران ابعطرهه
وتغفه بين ايديه ذني .. وين راحن كل هذني؟
خلصن دمعات عيني وبعد ما يشفيني وني
وياهوانه .. ويا هوانه
هسه جت البصره كلهه مركبك شو ما اجانه؟
وياهوانه
تهت ما ادري منهو انت من آنه ..تجينه بليله لو لحظه منانه
عجب مو اذكر ادريبك منانه.. تغير صار فوگاني عليـــــــــــــه.
وياهوانه.. وياهوى الخمريه يكتل
اسأل امجرب ولا تسال حكيم
وياهوى الهور ايتعانگ ويه سدتنه .. ويصل مرسال بجناح الحمامه
ونلتقي بشوگ ويفرنه بكل زويه
اهناك باطراف الحويجه .. البيهه كل تاريخ ربعي الموخفيه
ديرة المليون شاهد.. من غرب والتوث والصفصاف وطيور الفخاتي وحلفة الطابور
والشوك وسواجي الماي والبير ومواطير الحويجه
وياهوى العصريه باطراف الحويجه
وغابه مليانه سوالف ..بيهه كلشي اليوم تالف
بس صور من ماضي ما يمكن يموت
شارع الغابه ايتلاگه ابشارع التبليط ويطب المعسكر
واني من اذكرهن اسكر
التفت اني وادور عجب شو صارت خليه..والخوي ناسي خويه
واختفه الحب و((ابو الحب)) اويعوده ..واختفت صفگة الشله واختفه قائدهه يونس
واختفه ال ودگلي ابيش اسكر ..خلصن دمعات عيني وگمت اضحك
((انما يضحك من شر البليه)) ..خلصن ما بعد بيه
خلصن ما بعد بيه.

محبتي لكم