جدبد مشط ابوذيات

اجيت اسأل عن احبابي وعاني
رسمكم شكك كليبي وعيني
اليوم الجدم متحزم وعاني
عليكم يالتركتو النوح ليه


لا تغرك ضحكتي كلي من هم
اخوتي والجرالي كل منهم
طحت وشفافي وسفه كلمنهم
ردتهم عون شو هدو عليه

كلبي لا تظن ذمكم وملكم
باقي عالعهد الكم وملكم
نادى الشوك لكليبي وملكم
هموم هواي يمته ترد ليه

انشكت مانفعهاالصبر شكواي
الوجن سكته ما تنسمع شكواي
ثوب العز ركد عالروح شكوي
اخاف اكوي يصير وصل بديه


سعيد الي وصل حيهم وشافة
وعونة الي قبل اخدودة وشافة
الهي من المرض طيبة وشافة
فقير ولا تمسة بكل اذية


حبيت العميد ومعاونه من وراكم
عايش هل الدنيا حتى بس أراكم
من ترد لبيت انا امشي وراكم
تمنيتك بين ايدية حبيبي


حبك بالكلب ياصاح ضلضل
من تعبر علينه يصير ضلضل
تريد اتروح لا لتروح ضلضل
لانك لو رحت شيصير بيه

جوادك للعليهم عنه عنه
وجدامك لليودك دوم عنه
والمايسمع كلامك كوم عنه
بلطافه ولايرى منك اذيه


الشوك وياك صدفة قابلاني
شيجي منك علية قابلاني
تقشمرني ابضحكتك قابل اني
غشيم وتعبر الضحكة علية


من طبعي بير الوفه ماخون ابد صاحبي
والضاك طيبي سكر ماتلكه ابدصاحي بي
بفراكه حتى الجسدماضل ضلع صاحبي
وانت الطبعك سمح متعوف ابد صاحبك


حلو لكن تخادع من سم احلاك
ورسم حسنك ابالي منسه محلاك
سمعت انته تحبني من سمح لك
تفكر ولك لوتفكير بيه

جبل ما يوم بوصالك تواسيل
لجن من ضيم البكلبه توا سل
عيشه وصارت بدونك تواسيل
ادفعهه وتذب همهه عليه