جديد زهيريات2011

محلاها شمس الصبح كل يوم بالجامعه
الحســـن بيها قمـــم من كل حلـو جامعه
وان جـــان حـبك قسـم حبـي الك جامعه

الحســن كلـــه الك يابـــو قســــم ترجمه
نظرات عينك حجر يا هو اليجي ترجمه
نظرات عينك حجي ارجوك وك ترجمه

تدري لو مو عيونك ما اجي واطب الجامعه

********
يا بحر موجك عله تالي شعجب مد رسه
ما اظنك بهلوكت ترضه النذل مد راسه
منـك درست العشك وانه الجنت مدرسه

شيطــان هاذا الوكــت بيه القهـــر جامعه
مو بس قهر جاب الي حتى السهر جامعه
مسكيـــن هاذا الذي يعشــك بنــت جامعه

يلكاهه بسم العشك فتحت قبل مدرسه

يا زين انته ذهب من كال عنك صفر
انه انتضرتك شهر عاشور كله وصفر
الوجه من شوكه الك بدل خدوده صفر

لا انته دكت كلب وبصدري انه معلمك
عالهجر يا منيتي منهو الذي معلمـــــك
ياريــت يرهم نقــل واصبح انه معلمك

احطلك سعي 90 حته لو ماخذ صفر


وكفتلي نص الدرب كلتلي ولو ثانيه
جبرونـــي هلي خلوني احب ثانيه
وبشرني لا زلـــت ولا اصبحت ثانيه

وحلفتلـــي بالله تبقـــى انتـــــــه اوله
ولمن شفتها صدك رد حبنه مثل اوله
لو ردت ولفك صدك تسأل على اوله

ول تعرف اوله لا تعاشر ثانيه

منهــو ضعيف البخــت الكال من حبك
واحنا عطاشة ونروم المـــاي من حبك
واحنا الزرعنـــه كلبنــــا ورد من حبك

واصبح دليلي كطـــن بيه الليالــي اندفن
وخـــل الجروح ينزفـــن تـــــرن وندفن
وان جاك مـــرة خبر ان الحزين اندفــن

اعلــم باني متت يازيـــن من حبك


يا بحر الاوهام ليمــت انا اصل ساحلك
والعب بكيفك علي ماني صرت ساحلك
يا ما بشوك الجفن دم ودمـــــع ساحلك

وانتـــه بدليلي تزت ارمــــاح وحر ابي
ويا ما لاجلك حمــلت شـتاي وحر ابي
الدهـــر عليه يحجــي معلـــن حر ابي

ويكول ماجوز منك ساحلك ساحلك


تخزرني خزره غضب وترفع علي حاجبك
بالله اريـــد اسألك عنـــي منــــو ال حاجبك
ويـــاك انزف وفــى مو طمـع او حاجه بك

وصدكنــــي اني اعتبر حُبـــك اليــــه مُلك
تلعـــب عليه لعـــب ما يـــوم گلبي مَلك
وانت بجمالك صرت فوگ الخلايگ ملك

ومادام صرت الملك خلني اشتغل حاجبك


موجل مـــــن الحســـد لا واحـــد يعينك
يا كلبي على هالولف ادعي ربي يعينك
شبهتـــكم بالكمر وادريـــه مــــو عينك

الكـــمر لا لو شفـــه ولا هو بهيئة ملك
لا لو صدر لا خصر لا يمشي مشية ملك
نفرض نكول الكمر كل المحاســـن ملك

لكن يغالي الكمر عندو مثل عينك؟؟


بطرواك طول العمر صبح ومسه ذاكره
ولـــدكول عني بعد هذا الولـــــف ذاكره
كلبـــي ناسي وامـس بالطيف اجـه ذكره

طالبني رغم الجره بحنينه خايــب شحن
ودموعي جي سافرت بعيوني صدك شحن
نقالــــــي عالشاحنـــه ومن كال تم الشحن

كلت ارسل اله الروح جاوب ممليه الذاكره


مسكيـــــن هذا الكلب يــــــا صاحبي مره
يا ما سكـــــاك الشهد ما ضوكــــــك مره
يتمنـــى كبل الاجـــل يلكــاك ولــــو مره

بس انتـــــه كلبك صخـــر ما لحظه حنيت
وانـــه لالــــك ديرتــي بيبانهـــــــا حنيت
من شفت بيــــك الالـــم ظهري الك حنيت

طيبتي يم شوفتك وجهك علي مره

********
وشكــراااااا تحياتــي