(بالقران احبك )

يابرد الحدايق ياصباح الخير يابوسة ندى بخدود كل مشتل ياجلمة هلة بالروح غيرالروح ياعين الكحل مو عيني تتكحل مروجهك صبح والزلف نص الليل‎ ‎
شلون مرالصبح والليل ماكمل نظراتك عرش وارموشك الحراس
ومارايد حياته البيك يتغزل
حبك أمتحان يدوخ الميدوخ
لأن حتى الجواب عليك هم يسأل
يالطولك قيامة وخصرك النارين
وكل شبكة على خصرك جلدي يتبدل
ياقاموس حبي شكثربيك اقريت
قريتك ورقة ورقة ومالكيت الحل
وبصدرك درب ممنوع أحب أمشيه
تحت زيجك ضوى يكشفلي لو هدل
ولو بكتار صدرك هم تصح لبدات
لأن كل جهة بصدرك بيه شايل تل
والركبة سوالف طشت على الناس
المخبل عقل والعاقل تخبل
والمشية احتفال وتركصلة الكاع
يالموساك ساكك ساك لوململ
لاتعلى علي موخاف تنزل يوم
والعايش بعالي لو نزل ينذل
ولاتزعل علي خاف أزعلك يوم
مو قصدي أزعلك حتى تدلل
أقل من يوم عفتك شو صرت نصين
وأحس نص راحلك من عندي يتختل
قررت أعوفك حتى أضوج عليك
وحتى تشوفني لجلك شلون أنسل
ياغاية صفنتي وحتى أصفن بيك
أشو بالصفنة كلبك هم علي بدل
ياقناص حبي مو بسرعة اتصيد
حلاة الركبة لو بالسيف تتوسل أنه الكاع والكل أرض من كل تل
لأن لوما الأرض منين صار التل
عللني بغرامك علل المحصول
لأن لوما الحصاد منيين أكو منجل
ولو أسمك قصيدة احجيتهة للخرسان
وافتهمو وقيموني واطلعت الأول
طركاعة اللفتني أشكد الك حبيت
وطركاعة اللفتك لأن تتحمل بالقرأن أحبك وأنة بالقرأن
إذا يسكت الساني بكلبي تترتل