كلام صدق 100%100

من طرف **admin** الإثنين فبراير 07, 2011 10:05 am

قبل كم يوم واني كنت في مؤتمر للعلوم والتكنلوجيا، كان اكو وفود كثيرة من الامريكان والفرنسيين واليابانيين وغيرهم
صعد عالم فرنسي وبدا بالجذب ، اخترعنا كذا وكذا وكال لمن حفرنا جوة برج
ايفل لكينا خطوط تلفون قديمة على اساس همة جانوا يستخدمون التلفون قبل
اكثر من 300سنة شوفوا الجذب شوفوا طبعا الناس عرفوا بالجذبة مالتة بس
مشوها اله يللا...
النوب كام واحد اخر ايطالي وكال لمن بحثنا تحت برج بيزا المائل لكينا خطوط
تلفون قديمة يعني همة استخدموا التلفون من 600سنة شوفوا الجذب بس همينة
مشيناها اله يللا...
فكمت اني طبعا الكل كاموا يصفكون حوالي نص ساعة كتلهم اخوان احنا بلد
حضارة سومر واكد وبابل طبعا الكل اشادوا بالعراق فطرحت اني الموضوع فقلت..
اخوان احنا من حفرنا تحت اثار بابل ما لكينا لاكيبلات ولاشبكات مما يعني
،انتبهوا على مما يعني اننا في العراق نستخدم الهاتف الجوال منذ اكثر من
ست الاف سنة ..طبعا القاعة سادها التصفيق والامتنان وحصلت بيها اظن جائزة
نوبل للسلام
ها كولوا جذب :965: