ابوذيات روعة شاهدو

الهيبه بس الك ربك وهبها
انسام الخير من وجهك وهبها
امر دارك يابو النخوه وهبها
شهم والطيب الك صاير سجيه

تعابيني بحجي الواشين والنوم
وانا والله ونيني اعليك والنوم
شوف الجسد مني ركد والنوم
حاربني وفلا يعتاد اليه



الك جم ذنب ودموعي محنه
ونسبت وبعد ما توصل محنه
كلبي يفيض لوصالك محنه
وشيصبر الحنينة اصبح سجيه



يباري المرض هد حيلي وهدني
ولايوم ابتعد عني وهدني
ارشدني الرحمتك يارب وهدني
طريح افراش والعله خفيه

من منكم علي نشد من سال
جفيتوا وبجفاكم صوت من سال
اشعندي غير دمع العين من سال
اخفف بيه مصار الصار بيه

لجل حبچ سهر جفني ورج لچ(يبچي الچ)
وعساها ايدينچ انشلن ورجلچ
دعيت الله تموتي انتي ورجلچ
وابوچ يموت وي امچ سويـــه