كومة ابو ذيات اتمنى تعجبكم

من طرف **admin** الأحد يناير 30, 2011 8:03 am

اتمنى , ذيات , تعجبكم , كومة

كومة ابو ذيات اتمنى تعجبكم

السلام عليكم ورحمة الله وبركاته
هذي الابوذيات الكم احلى اعضاء باحلى منتدى اتمنى تعجبكم

اريد اهل الوفه احسبهم وعدهم
واظل انتظر جيتهم وعدهم
لان الكلب ظل يمهم وعدهم
يضل يمهم لما يعودون اليه

عليك الروح نص الليل ونت
لان برغي الكلب مفتوح والنت
ادور بالمقاهي عليك والنت
وينك ياحلو بس رد عليه

مثل طلة كمر محبوبي وجهه
هجرني ونار بالدلال وجهه
اذا عندك نقد بناء وجهه
ومقبول النقد منك عليه

هاي الروح ماضن غيرك الهه
وتراهي الهم يصاحب غيرك الهه
صفات البيهه تدري غيره كلهه
ولا عرفت غدر هاي الوفيه

يدهري شما تعادي وياي عادي
وما اهتم بعد لصار عادي
عليل اصبحت بيه مرض عادي
وعديت المرض يوم الصار بيه

ياهو الي علس روحي وصكهه
وقفل بيبانهه بيده وصكهه
جنت انته رصيد الهه وصكهه
صرت صكاك هسه وتصك بيه

العراق ابجرحه ما فزعت دولنه
ولا لجروحنه ودو دولنه
باقلام الشعب هذا دولنه
الخزي والعار للخاين بخيه

كتاب من الجليل انته وردبيك
وعطرك موعطر عادي وردبيك
اخاف اعليك راح ارجع وارد بيك
لان خايف عليك امن الاذيه

هجرنه بيوتنه وعاشرنه الغراب
مثل البوم واحدهم والغراب
موهاي الغريبه بس الاغرب
اخوي وبالغرب ويخون بيه

تره المكتوب يسمر موبدينه
وعليكم دمع صافي موبدينه
تكول احنه انتهينه موبدينه
ونهايتنه غفل صارت سويه
ذهب كالو عليك شلون فضه
وكلبك يالحلو وياي فضه
حجي العذال لا تطريه فضه
وعوف الكال والكالو عليه
السبب شنهو يصاحب عفت دارك
و ادري بيك واعي وحيل دارك
وسفه الوكت عالطيبين دارك
ولا تنشد كمت يا ابو الحميه
كلبك جان ياولفي محنه
وليالي الهجروالفركه محنه
وين ابعدت يالكلك محنه
فراكك صعب يالغالي عليه

واحنه زغار حبك مالكينه
ومثل رقة شفافك ما لكينه
لون مو عسل والله ما لكينه
ولاروحي ارتوت من عذب ميه

الف مرحب هلا بجيتك وحيك
اريد اوصل لعد بيتك وحيك
واغني لك ياغالي بابا حيك
وعلى درب ليمرون نسمعها سويه