ابوذيات عراقية ،ابوذيات لعيونكم

من طرف **admin** الأحد يناير 30, 2011 7:47 am

لعيونكم , ابوذيات

ابوذيات لعيونكم

كظيت العمر وياك ..هم هم
وهجرك فوك الضيم زادني ..هم هم
وهسة تريد ترجع وبعدين ..هم هم
تتركني وتعوف جروح بية...

يادنيا على هموم البية ..حسي
وعن هامتي طبع الغدر ..حسي
ومن همي راح اصيح بعالي ..حسي
مضلوم وحبيبي الغدر بية...

تعال ومر على الحبوك ..مرة
وحياتي بعد فركاك ..مرة
تذكر من واعدتني وكلت ..مرة
ماعوفك لليوم المنية

ياظالم لاتهيج الروح ..خلها
عساها تموت من بعد فركاك ..خلها
لزم ايدي الطبيب وصحت ..خلها
المرض بالكلب جا شلك بدية...

اتركني يل ورة حدود الوطن ..عديت
وانا بصبري صبر ايوب ..عديت
اذا انت نجوم الليل ..عديت
انا نجوم الظهر طلعن علية...

وددي

منهل

[size=21]باليلي الحزن همي صاحبيته
تنام الناس كلها وصاحي بيته
وكفت اباب بيته وصاح بيته
وفزز كل اثر طعناته بيه

بعد ما ارجعلكم مارد اني
لان كلبك بقسوه ما رداني
نعم شبيك اصيحن مارد اني
وبعد لبيك جرحك بين اديه

بينه اجروح عن كلشي لهنه
وبعد ميِت سنه نسمع لهلنه
باقر يمت السره يوصل لهلنا
زنو عدنا الف شاعر قضيه

بجت للصبح عيني من صحتلك
لو تعرفني هجرك من صحتلك
شمالك ماتجيني من صحتلك
صحت بأخر نفس ظل باقي بيه

نص من كلبي ضيم وراحه نصي
وبعد ما أعلي صوتي راح انصي
راح الجنت احبه راح نصي
وحتى نصي البقى رح من اديه

تضل جوعانه روحي من اكلها
وانا شما صار بيا منه كلها
وثيقة حبنه تذكر من اكلها
وكتلي تحبني تالي تخون بيا

مي الشايله ابوجهك ترى ادلي
وسرك بعد ما اصونه ترى ادلي
صدك توكع وباجر ترد الي
ذليل ومنحني اتبوس بديه

زمانك لو زعل وياك خله
واسكت لا تبين بيه خله
مو سهله الخليل ايعوف خله
بس صعبه الكرامه اتموت بيا

اذا سيفك تشضى ماتحده
وحدود الكون كلها ماتحده
نعم فارس ولكن ما تحده
أطيحن بس تهد رمشك عليه

ترسلي جيوب حزني وسلفاني
وصرت بحلوك ربعي سالفه اني
مثل النار دمعي سال فاني
فنه خدي وفنه هدوم العليه

أنترهن كوم سد عيني ورا الباب
لان كل خطوه بيها أمشي ورا الباب
صدك من يمر ضلك ورا الباب
يطلع بيتنه ايجيبك عليه

أذا أزعل بعد مارد وندماك
وخلي ايفيدك صحبانك وندماك
انا اجروحك وأنا عيونك وأنا دماك
وبدوني اتصير جثى على الوطيه

فلك ايامي وهمومي تلف لك
ودموعي شلون مالفت تلف لك
تلف اعضاي وكليبي تلف لك
شتلفلك بعد ما تلف بيه

جثيره اجروح روحي من اضمها
وانسى الدنيا كله من اضمها
قصيده الروح صارت من أضمها
وبس نضم الحزن ليك عليه

كفى بعدك لك من ماي حرفاه
كفى ما كال من الصدك حرفاه
كفى بحشاي احر من صقر حر فاه
كفى جرحك اجى مفصل عليه [/size]