ابوذيات الحب والفراقـــــــــــــــــــــــــــــــــــ

من طرف **admin** السبت فبراير 13, 2010 6:14 am

هاك اشعل كلب كلبي و وجهاك
اعله حاله راح اعلمنك و اوجهاك
بشالك من تلف شعرك و وجهاك
تلف روحي مثل لف المنيه
*** **** *** *** *** *** *** ***

وحك رصعة اخدودك وحك شفتاك
انسبيت بيوم وسط الروح شفتاك
اشيخلصني بعد شرتاح شافتاك
وبعدك والقرب نفس الاذيه

***************************

هنجل كلبي من شافك .......... ودرباك
وحرت شلون اعلمنــــك ......... ودرباك
كضيتة زحوف شارعكم .......... ودرباك
زلغت الركب وعكوس ادية

********************************

الاحبة روحي بروحة .......... مذابة
زعل وياي لـــو ادري .......... مذابه
ذبني بلا سبب وانة .......... مذابه
هجرني وصاح حبك بس اذية

*********************************

اجيك بلهفة اتعنة ............. وهملك
ولتضن يوم املنك ............. وهملك
اذا ضنيت متأكـــد ............. وهم لك
لان ميصح متوهم صافي نية

********************************

الجميلة عليك لو مـــــــرت ....... قف لهة
قصيدة عشك من تمشي ....... قفلهة
احلفك كون من توصــــــل ....... قفلهة
تقفلهة بالف سركي علية

********************************

بت كلبي انكطع بلتك ....... وبتكم
ردت اندلة شارعكـــم ....... وبتكم
واجي خطاب لبتكـــم ....... وبتكم
غصبن عالعشيرة اخذهة الية

********************************

زوج طيور حبنة صفــــــن ......... بس تك
وصرنة للشماتة علـــــج ......... بستك
ما ادري شجاني وكمت ........ بستك
اعذرني عالجرالك مو بدية

********************************

احبج حب جنــــــون ......... موطبيعي
وبطلي ابييع ثكلـــج ........ موطة بيعي
طبع الشهم طبعــي ....... موطبيعي
اغدر وانثني بسابع ثنية

********************************

العشك كاروكة يامة ............. لولة بية
وفرني شلون فـــرة ............. لولبية
احبهة وحبها خلـــة ............. لولة بية
ارجف لون طاري الحب مر علية
*******************************
الك طوبة الليالي ........... ناولني
وعلى هجرك أأكد .......... ناوي لني
اذا يس ترضة ذلي ......... ناو لني
وما ارضة اذا حبك اذية

********************************

ورد قداح اهديلــــــــــك ......... وجوري
وريدن ضيمي احجيلك ......... وجوري
موجر والعشك كمـــــل ......... وجوري
وشبه بركان حبك صار بية

*******************************

طار وما كلت للناس عالطار
وشسولف عالجرح بالكلب عالطار
جنت وياك شايل خلك عطار
طفل ما تشتري وتلعب عليه
*** **** ***
التعب والضيم جنبي الراحه جنبك
اشتضن من نار كلبي راح اجنبك
عشك العقل خلص راح اجن بك
واموت بعشرتك وابليك بيه

******************************

يالبهمك ملابــــــــــــس ..... لابستني
وثوب الحزن بيــــــدك ..... لابستنـي
زعلت لا صالحتنـــــي .... لا بستني
ولا كتلي بالجذب حقك علية

******************************

اريد الزم خديــــــــدك ..... وشتمنة
واريد انعل ابيــــــــك ..... وشتمنة
تدري شراد كلبـــــــي .... وشتمنة
على صدرك اموت وهاي هية

**********************************
هذا زنجيل ابوذيه :

الدهر ياصاح بالفرقة ولانه
ولانوبه إنكسر قلبي ولانه
لاإنت عرفت الحب ولانه
نسينا الشوق وأخلفنا وعدنا
وعلى الهجران ردينا وعدنا
هذا من الوقت و الحب وعدنا
يفر بيه الوقت نوبة وفربيه
ومن ثلج العمر دربي وفر بيه
أشرد وين أنا بقلبي وفر بيه
بدرب مسدود ومتيه محله
دموعي جم ذنب قلبك محله
بعد طير بضباب أبدا محله
ولاظن بعد نتلاقه سويه