الشاعر ابو جعفر المياحي (ثورة 17 /30 تموز)

من طرف **admin** الجمعة فبراير 05, 2010 4:01 am

اشعار , شعر شعبي ، اشعار عراقية ، شعر ، شعر شعبي عراقي ، حيدر المياحي ، ابو جعفر المياحي ، المياحي ، اشعار المياحي

هبت ريح من صهيون تحمل عفلق وربعه
مثل سرب الجراد وطاح يمرد للشعب زرعه
مايسلم زرع منهم جراد ويفتك بطبعه
لاسني السلم منهم ولاشيعي البقه بجمعه
شتتهم شتت بالارض كسر للوطن ضلعه
وسنين الشعب مظلوم يصرخ محد يسمعه
فرعون العصر من صار حكمه الظالم يرجعه
جرعنه الصبر والظيم مرار الظيم شيجرعه
شفنه من العذاب الوان واعدام وغصص شنعه
هذا المات بالتيزاب وهذا الماحمل وجعه
وهذا بكهربة ينتله وركن صبر القوي يصدعه
وطنه بس مأتم صار كل يوم البطل ينعه
ومن غير الحروب سنين والشبان لو بالاسر لو صرعه
واليوم الحمد لله وربك لو فزع فزعه
فزع لأهل العراق اليوم وشتت للكفر جمعه
وطاحت للطغات حصون قلعه من بعد قلعه
لاجن يا شعبنه اليوم شتظن نشفة الدمعه
والتشتت احنه البيه لازم يخوتي انجمعه
خل راية رسول الله وانظامه الواجب انتبعه
لاللطائفيه انصيح واشعار التفرقه رفعه
بعين ابن الوطن هاليوم خله الاجنبي صبعه
زرع بينه الشرف مزروع محد يكدر يشلعه
واذا منشد خزمنه اليوم ياهو المعتدي يطلعه
لاجن ظلت اجايه وكلامي للوفي يقنعه
الشجره الظلت من اصدام تراهه اليوم متفرعه
نسيتوا بساع ياطيبين نسيتوا البعثي وطبعه
شاهر عالشعب سيفه ولسان الينطك يكطعه
دكلولي شمتانين كوموا وطلعو فد طلعه
زرع الطاغيه هليوم لزوم من العرك شلعه

الشاعر ابو جعفر المياحي