اجمل رسالة شوك

رساله شوك ....

شلت بايدي القلم واكتب رسالة شوگ
فشلني الورق ما اروح روح انت
بجاني الورق والقلم راسا طاح
بدت ترجف ادية وبعد ما شلته
راسا روحي طلعت گلبي شگك لضلوع
ستغلني وصاح صار اهواي ما شفته
كتله اصبر يكلبي وانت تعرف زين
گلي اعرف جفاك وانت ما عفته
يضحك من يشوف ادموعك ايبچيك
وانت بكل برائه اتگول ضحكته
يدوس عله الغرام وانت جسر اصير
وتكلي يا گلبي المهم عبرته
صرت لاجله نهر باسمه كتبت الماي
من تعطش يكلك روح وشلته
من يبرد تشعل ايامك ادفيه
ومن يدفه تحس ايديك شابكته
من تطلع شمس راسا تصير اشجار
تهمسلي ياگلبي بشوك ظللته
كلشي اذكر واعرفك واعرفه من اسنين
حتى اني بغرامك يومي عذبته
بس تدريني احبه ومو بديه اشتاگ
ورطه واني كلبك وانت ورطته
جاوبته ياگلبي وداعتك مليت
تقبل باليبيعك تشتري سكته
معقولة اليخاوي الجانو يضدوك
وانت عله الصدق والطيب علمته
وعلمته الحچي ومعنى الوفاء شلون
ما يعرف يسولف حركت شفته
وبده يحچي عليك وعني ولي چان
لا زينه تگف لا حلوه مانعته
تعرف هسه من يحچوله عنك يوم
يضحك من صدگ ويكول مشكلته
تريد ارجع ياگلبي شبيك يا بطران
مو ضاع الهوى وكلشي انتهه بوكته
تريد اتروح وحدك روح الله وياك
تندل الطريق وزين جربته
عساكم ما رجعتو اثنينكم فد نوب
واشيل من العقل فد نوب ذاكرته