اشعار حب(شكد احبك)

** شكد احبك**
** شكد احبك**كافي بس حيره وسؤال ..شكد احبك يلي تسالني بدلال
يعني ماتعرف محال هيه كلمه زغيره ..طعمه ..بيها سحر.....وبيها نغمه برع من ساعاتي يمك وانعجن دمي وي دمك وبسناك ذابن ايامي دمع ..دمعه دمعه انه ايامي شمع ..يكسر الضلمه بدمع وهم بعد تسال سؤال..شكد احبك عمري كله عشته يمك عشته كربك مره احضنك مره اشمك مره ادرسك مره اعلمك ياعرس عمري الاصيل اركضت لك من فرح وانه الجليل وهم بعد تسئل سؤال شكد احبك**

اشلون صار وياك حلمك .... يالرحت عني ومشيت اشلون بيك الدنية دارت .... يا سعر بعت وشريت اشلون من رحت بغرامك .... هم شفت غيري ولكيت لو لكيت الي يغدرك .... هذا واضح من اجيت انت يوم الي عفتني .... عفت كلبي وما هويت اشلون هسة اتريد ارجع .... ياما لعيونك شكيت وانة ما جنت بخيالك .... وانت بعيوني بجيت وهسة هذا اليوم ترجع .... صلفة عينك مادريت اشكد جرئ وياي انت ....تذكر انت اشكد رجيت وانة يحلم بيك حلمي .... وحتى بحلامي انجويت

غلطان اليكلك لحظة راح انساك
وعمت عينة اليفكر لحظة ويعوفك
اذا بليل اليمرهة الطيف كل اناس
انة بظهرية جتني اترفرف اطيوفك
يانسمة اعذيبي ورايج القداح
وياوجه الكمر بالظهر ونشوفك
كلت خلي اجرب ما اسولف بيك
طلع شريان كلبي يردد احروفك
مو بالجدم جيتك جيتك امشي بايد
وبلهفة غريب الناسة ملهوفك
اذا جرحي تصير وبية تنزف حيل
اروف اجفون عيني والك ما روفك
كمت تامر علية وكلشي مني اتريد
وصرت مارد المحبس لبستة اجفوفك
مثل ام وتخلي بجيب ابنهة افلوس
شلتلك روحي كلهة وصرت مصروفك
بعد بس شي اسوي ابني الك ايمام
واجيب الناس يمك ندعي ونطوفك

زعلتك صدك .. بس والله ما مقصــــود
شكلك شعتذرلك.. قصرت ويــــــــــــــاك
جرحتك يا ترف انه شكثر خــــجـــــلان
انت القدرت جرحـــــــي وعـــشت وياي
انت النشفت دمعي وصرتلي احضـــــان
انت الغيرتني ورجـــــعتلي الشـــــــوك
وانت الفتحت كلبك الي بســــــــتـــــان
زعلتك صدك .. بس والله ما مقصــــود
صح مني الغلط وانه اعترف غلطـــــان
صح نغلـــط نعم لكن نسامـــــــــح دوم
يضل طيب الكلب موجود بالوجــــدان
سامحني بكيانك من حنان البيـــــــــك
لا تضحك جذب وبداخلك زعـــــــلان
اجيتك اعتذرلك وانه ما معصـــــــوم
شسويله الغلط مكتوب ع الانســــــــان
الف اسف والف مره اعتذر كل يوم
ندمان شكثر يا خيبت الندمــــــــــان
ما استاهلك وانت مـَــلــَــك مخلوق
ما استاهلك وانت نبع ريحـــــــان
اخذ من عندي حقك اخذه خل ارتاح
وهاذ انه ابعدت ساكن بلايه اوطان
عذبني الضمير الماينام بليـــــــــل
ما اكدر اغمض واتركك زعـــلان
عمت عيني وجرحتك وانت حب اتفيض
يا قســــــــــوة كليبي الوجتك نيــــران
اكولن سر الك وارجوك لا تحجيه
( بجيت هواي انه الخاطرك يفلان )
بجيت وعيني مطرت والله زخ ادموع
مو عين اصبحت جنهه شهر نيسان
ما ريدك تسامح وانه ما معـــــذور
ولا املك عذر عذبني يا ســـلطان
بس اعرف احبك وانضر العيناك
بعد شلون انضرلك وانه الخجلان
اخذ من عندي حقك اخذه بلكي ارتاح
وهاذ انه ابعدت ساكن بلايه أ و ط ا ن