اروع اشعار الشاعر (احمد الذهبى)هداء الى العضو الجديد بس العيونه

سيدة عمري الفاضله
هذي رساله عاجله من عاشق لا من كلب شاعر
نزف شوك وحنين ومن جفن سواه بحر دمع السنين
ومنتظر جيت سفينه تكحل عيون الموانئ
من وطن مغتصب خالي من السياده
من طفل ما يدري ليش يخلي راسه عله الوساده
من قضية بلايا حل من عباره بلا معاني
من ظروف القاسيه وقسوة زماني
من كلب دورني بيه وما لكاني
راح اكتبلج رساله بلايا معني
مثل ما ضيعنه كلشي بلايا معنى
حته نعرف ليش من حبينا ضعنه
راح اموت لخاطرج سبعين مرة
وانتي صحيلي تعال بصوت مره
شوفي كبل الصوت راح اوصل واجيلج
حته لو جمرة ندم بجفوفي اشيلج
انتي لو كلتيلي موت الموت لو كلتيلي تاني
شارد اتاني كافي مليت انتظر كلمة محنه
خاف تطلع في وقت ميتات اذاني
وخاف ينطيني الصبر ورقة وفاته
واني ثنينه يشيعني اني
وحته لو نفرض متت وين الكى موت
تشيلني الخطوة عله دروبج وافوت
وحتى اسولفلج قصيدة من الاماني
وحتة اكلج ميت اني
من شفت غيري بغيابك
داهمج واحتل مكاني
من صليب الشوك علكني مسيح
بعينج جن نضرتها ما عتقت لساني
من كتبنه ثنينه احلى كلام
وصغنه كلمات الهوىالحان واغاني
المستبدة الكالها كاظم عليج من احترك كلبي
وبرد كلبج لساني
وصوت شيرين من اسمعه يمرني ليه
وتنزل الدمعات تكتب كرح تاني
وهذا اخر ما بقه من الرساله
اذكريني لو سمعتي الحروف بصوت اصاله


الشاعر : احمد الذهبي