شعر اثني على السياسي شعر كلش حلو

من طرف Eko السبت مارس 19, 2011 3:56 pm

اثني على الساسي
اثني على السياسي شبية جنيت
امدحلي سياسي وهو طاعون

گالوا حصتك حنخلي بيها لحوم
اجتي الحصة بس شوية صابون

گالوا بالنفط تگضي العمر دفيان
ما شفت النفط بس اسمع يصدرون

گالوا لا مظالم لا سجون وخوف
صار البگماط ارهابي مسجون

گالوا من تنام الليل فك الباب
ماطول احنة الي نحكم نام مامون

صرت بابي من انامن اضربة بزنجيل
احط عبوة على بابي خافا يمروون

گالوا صوتك يهمنا ونريدك فوك
اخذوا صوتي داسوا حتى يعلون

گالوا ثم گالوا بس وعود وخير
وبسيطة الناس وبكلشي يقنعون

رحنة ننتخبهم بلچي واحد زين
طلعوا واحد وبالوجه يختلفون

نبصم بالحبر والدرب عبوات
وبدم الشعب گاموا يبصمون

كلمن كمش كرسي وكال نفطاتي
وجثثنا مطشرة وماكو اليدفنون

موكافي دفاتر المن تلمـــــــــها
ترة هناك بجهنم رشوة مايدورون

دفضوها بعد مو ملنا حتى الموت
وطلع من گبرة يبچي علينا فرعون

اهلك برة انتة هناك يم الخير
واهلنا مذبحة ومنكم يعانون

لو بيدي اذبهم بالرميلة هناك
وخلهم بالنفط خل زين يحتركون

بكل حوش طفنا وگامت تصير
العراق حسين وانتة وشمرك تطوفون

دفضوها بعد مو كافي خمس سنين
نلهم بالحجر انتو شتلهمون؟

گلتوا عل التوافق بقت ساعات
وگلتوا نأتلف حتى انتو ترتاحون

لا شفنا توافق لا أتلفتوا بيوم
بس نسمع تهايم كلكم تهمون

دفضوها ولك مو صار نهر دموم
اذا ثارت الوادم والله مايرحمون

لا تگلي وعد والناس جياع
وعدك يا سياسي ماترس البطون

ولاتخليلي وردة بنص الگبور
خليلك ضمير وبي تحكمون

واذا جيت بضميرك تحكم الناس
ساعتها امدحك واني ممنون